Covid-19

ឈីលី អនុម័តឲ្យក្មេងអាយុពី ៦ទៅ១៧ឆ្នាំ អាចប្រើប្រាស់វ៉ាកសាំង របស់ចិនបាន

បរទេស៖ កាលពីថ្ងៃចន្ទម្សិលមិញនេះ វិទ្យាស្ថានជាតិសុខភាពសាធារណៈ របស់ប្រទេសឈីលី បានប្រកាសក្នុងការអនុម័ត ឲ្យមានការប្រើប្រាស់ជាបន្ទាន់ នូវវ៉ាក់សាំងការពារកូវីដ CoroVac របស់ចិនសម្រាប់ពលរដ្ឋរបស់ខ្លួន ដែលមានវ័យពី ៦ឆ្នាំទៅដល់១៧ឆ្នាំ។

ប្រធានវិទ្យាស្ថានលោក Heriberto Garcia ដែលបានធ្វើសេចក្តីថ្លែងការណ៍នេះ បានបញ្ជាក់ទៀតថា ការសម្រេចចិត្តនេះត្រូវបាន ធ្វើឡើងនៅក្រោយពេល ដែលមានការ ប្រជុំគ្នាជាមួយនឹងក្រុមអ្នកជំនាញ សម្រាប់ការប្រើប្រាស់វ៉ាក់សាំង។

លោក Garcia បានបន្តថា ដើម្បីអាចការពារពលរដ្ឋ របស់យើងចេញពីការរីករាលដាល នៃកូវីដនោះប្រទេសឈីលី បានសម្រេចចិត្តក្នុងការដាក់ឲ្យ ប្រើប្រាស់ជាបន្ទាន់នូវវ៉ាក់សាំង CoronaVac សម្រាប់កុមារដែលមានអាយុចាប់ពី ៦ឆ្នាំឡើងទៅ។

គួរឲ្យដឹងដែរថា យោងតាមតួលេខចុងក្រោយ ដោយក្រសួងសុខាភិបាលបានបញ្ជាក់ថា ពលរដ្ឋរបស់ឈីលីមកដល់ពេលនេះ មានចំនួនប្រមាណជា ១២ ០៧៤ ៤៩៦នាក់ហើយ ដែលបាន ទទួលបានការចាក់វ៉ាក់សាំងរួចរាល់ ដែលត្រូវជា ៨៦,០១ភាគរយ នៃពលរដ្ឋសរុបប្រមាណជា ១៥,២លាននាក់ ៕

ប្រែសម្រួល៖ ស៊ុន លី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top