ព័ត៌មានអន្តរជាតិ

មេដឹកនាំកំពូល អាមេរិក-ចិន ព្រមព្រៀងសូម្បីតែលើផលប្រយោជន៍ខុសគ្នា

វ៉ាស៊ីនតោន ៖ សេតវិមានបានឲ្យដឹងថា ប្រធានាធិបតីអាមេរិកលោក ចូ បៃដិន និងប្រធានាធិបតីចិន លោក ស៊ី ជីនពីង បានយល់ព្រម ដើម្បីចូលរួមក្នុងតំបន់ ដែលប្រទេសទាំងពីរ យល់ស្រប និងមិនយល់ស្រប ប៉ុន្តែភាគីទាំងពីរត្រូវបានបែងចែក យ៉ាងច្បាស់ អំពីវិធីបន្ធូរបន្ថយភាពតានតឹង រវាងប្រទេសមហាអំណាចទាំងពីរ ។

កិច្ចព្រមព្រៀងនេះ ត្រូវបានឈានដល់អំឡុងកិច្ចពិភាក្សាតាមទូរស័ព្ទលើកទី ២ របស់មេដឹកនាំកំពូលទាំងពីរ ចាប់តាំងពីលោក បៃដិន ឡើងកាន់តំណែង កាលពីខែមករា ដោយសេតវិមានបានឲ្យដឹងថា ការពិភាក្សារបស់មេដឹកនាំទាំងពីរ បានប៉ះលើទំនួលខុសត្រូវរបស់ប្រជាជាតិទាំងពីរ ដើម្បីធានាថាការប្រកួតប្រជែង មិនឈានទៅរកជម្លោះ ។

ទោះយ៉ាងណាលោកស៊ី ត្រូវបានប្រព័ន្ធផ្សព្វផ្សាយរដ្ឋ ដកស្រង់សម្តីរបស់លោកប្រាប់ បៃដិនថា គោលនយោបាយ របស់អាមេរិក ចំពោះទីក្រុងប៉េកាំង បានបង្កឱ្យមានការលំបាកយ៉ាងធ្ងន់ធ្ងរ នៅក្នុងទំនាក់ទំនងទ្វេភាគី ។

លោក បៃដិន និងលោក ស៊ី បានជួបពិភាក្សាគ្នានៅមុនកិច្ចប្រជុំកំពូល នៃអ្វី ដែលគេហៅថា ក្រុម៤ ក្រុមនៃលទ្ធិប្រជាធិបតេយ្យចំនួន៤ គឺសហរដ្ឋអាមេរិក ជប៉ុន ឥណ្ឌា និងអូស្ត្រាលី ។ ក្នុងនោះមេដឹកនាំប្រទេសទាំង ៤ ត្រូវបានគេរំពឹងថា នឹងផ្លាស់ប្តូរទស្សនៈគ្នាអំពីវិធីដោះស្រាយសន្តិសុខ និងការគំរាមកំហែង សេដ្ឋកិច្ចពីប្រទេសចិន ។

សេតវិមានបានឲ្យដឹង នៅក្នុងសេចក្តីថ្លែងការណ៍មួយថា“ មេដឹកនាំទាំងពីរ មានការពិភាក្សាជាយុទ្ធសាស្ត្រ ទូលំទូលាយ ដែលបានពិភាក្សាអំពីតំបន់ ដែលផលប្រយោជន៍ របស់យើងរួមគ្នា និងតំបន់ដែលផលប្រយោជន៍គុណតម្លៃ និងទស្សនៈវិស័យរបស់យើងខុសគ្នា” ។

សេចក្តីថ្លែងការណ៍នោះបានបន្ថែមថា “ មេដឹកនាំទាំងពីរបានយល់ព្រមចូលរួម ដោះស្រាយបញ្ហាទាំងពីរដោយបើកចំហ និងដោយត្រង់ដោយមិនសំដៅ ទៅលើរបៀប ដែលរដ្ឋបាលរបស់លោក បៃដិន បានព្យាយាមធ្វើការរួមគ្នា ជាមួយថ្នាក់ដឹកនាំចិន នោះទេ។

លោក ស៊ី ត្រូវបានប្រព័ន្ធផ្សព្វផ្សាយរដ្ឋ ដកស្រង់សម្តីប្រាប់លោក បៃដិនថា សហរដ្ឋអាមេរិក គួរតែគោរពចិន ប្រសិនបើទីក្រុងវ៉ាស៊ីនតោន ចង់លើកកម្ពស់ការសន្ទនាជាមួយទីក្រុងប៉េកាំង អំពីបញ្ហាដូចជាការរីករាលដាល នៃជំងឺកូវីដ -១៩ និងការប្រែប្រួលអាកាសធាតុ។

កាលពីដើមខែនេះរដ្ឋមន្ត្រីការបរទេសចិន លោក វ៉ាង យី បានប្រាប់បេសកជន អាកាសធាតុអាមេរិកលោក ចន ឃើរី អំឡុងដំណើរទស្សនកិច្ចផ្លូវការ របស់មន្រ្តីអាមេរិក ទៅកាន់ទីក្រុងធានជីន នៅភាគឥសានប្រទេសចិនថា ភាពតានតឹង ទ្វេភាគីនឹងបង្កការលំបាក សម្រាប់ភាគីទាំងពីរ ក្នុងការចាប់ដៃគ្នា ក្នុងវិស័យអាកាសធាតុ ៕
ដោយ ឈូក បូរ៉ា

To Top
×