ព័ត៌មានអន្តរជាតិ

កូរ៉េខាងត្បូងនិងចិន ប្រារព្ធធ្វើកិច្ចពិភាក្សាគ្នា ជុំវិញការតេស្តមីស៊ីលកូរ៉េខាងជើង និងកិច្ចការទូតដែលជាប់គាំង

បរទេស៖ រដ្ឋមន្ត្រីការបរទេសចិន និងកូរ៉េខាងត្បូង នៅថ្ងៃពុធនេះ បានបា្ររព្ធធ្វើកិច្ចពិភាក្សាគ្នា ក្នុងទីក្រុងសេអ៊ូល ស្របពេលមានក្តីព្រួយបារម្ភ ជុំវិញការបាញ់តេស្តមីស៊ីលថ្មីៗនេះ របស់កូរ៉េខាងជើង និងកិច្ចចរចាលុបបំបាត់ នុយក្លេអ៊ែជាប់គាំង រវាងទីក្រុងព្យុងយ៉ាង និងទីក្រុងវ៉ាស៊ីនតោន។

ជំនួបគ្នានេះ គឺត្រូវបានធ្វើឡើង ក្រោយប៉ុន្មានថ្ងៃបន្ទាប់ពី កូរ៉េខាងជើងបាននិយាយថា ខ្លួនទើបបានធ្វើតេស្តគ្រួសមីស៊ីល វាយប្រហារក្នុងចម្ងាយឆ្ងាយ យុទ្ធសាស្ត្រថ្មីមួយ បានយ៉ាងជោគជ័យ កាលពីចុងសប្ដាហ៍កន្លងទៅ ដែលអ្នកវិភាគនិយាយថា អាចជាអាវុធប្រភេទនេះ ដំបូងរបស់កូរ៉េខាងជើង ដែលមានសមត្ថភាពនុយក្លេអ៊ែ។

តាមសេចក្តីរាយការណ៍មួយ ពីទីភ្នាក់ងារសារព័ត៌មាន MSN នៅថ្ងៃទី១៥ ខែកញ្ញា ឆ្នាំ២០២១ បានឲ្យដឹងថា រដ្ឋមន្ត្រីការបរទេសកូរ៉េខាងត្បូង លោកស្រី Chung Eui-yong បានជួបគ្នាជាមួយរដ្ឋមន្ត្រីការបរទេសចិន លោក វ៉ាង យី ដែលក៏ជាទីប្រឹក្សារដ្ឋចិនផងនោះ នៅក្នុងថ្ងៃទី២ នៃដំណើរទស្សនកិច្ចរយៈពេលពីរថ្ងៃ។

លោកស្រី Chung Eui-yong បានធ្វើការប្តេជ្ញាបន្តជំរុញបង្កើនសន្តិភាព ជាមួយប្រទេសកូរ៉េខាងជើង ដោយបង្ហាញពីក្តីសង្ឃឹមថា កីឡាអូឡាំពិករដូវរងារនៅក្នុង ទីក្រុងប៉េកាំងខាងមុខនេះ នឹងអាចផ្តល់នូវឱកាសមួយ ដើម្បីចាប់ផ្តើម កិច្ចខិតខំប្រឹងប្រែងនោះ ៕

ប្រែសម្រួល៖ ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top