បរទេស៖ ក្រុមស្ត្រីដែលជាកីឡាករ និងសមាជិកនៃក្រុមបាល់ទាត់នារី របស់ជម្រើសជាតិអាហ្គានីស្ថាន ប្រមាណជា ១១៥នាក់ ត្រូវបានគេទូរទស្សន៍ BBC ចេញផ្សាយថា គឺបានធ្វើដំណើរ គេចខ្លួនទៅដល់ប៉ាគីស្ថាន បានសម្រេចហើយ។
![](https://dap-news.com/wp-content/uploads/2021/09/photo_2021-09-16_09-23-20.jpg)
ក្រុមស្ត្រីទាំងនោះត្រូវបានគេដឹងថា បាននាំគ្នាសំងំលាក់ខ្លួនគេច ចេញពីសកម្មភាពប្រឆាំង និងបង្ក្រាបរបស់ក្រុមតាលីបង់ ដែលបានគ្រប់គ្រងប្រទេស អស់រយៈពេល១ខែ នេះមុនពេលដែលអាចជោគជ័យ ក្នុងការបញ្ចុះបញ្ចូលរដ្ឋាភិបាល បាគីស្ថានក្នុងការទទួលយក ពួកគេក្រោមរូបភាពសប្បុរសធម៌ ដែលក្រុមការងារបានដាក់ឈ្មោះថា Football for Peace។
![](https://dap-news.com/wp-content/uploads/2021/09/photo_2021-09-16_09-23-18.jpg)
មន្ត្រីរដ្ឋាភិបាលប៉ាគីស្ថាន បានបញ្ជាក់ថា ក្រុមបាល់ទាត់ដែលមានសមាជិកទាំងអស់ ១១៥នាក់ បានធ្វើដំណើរចេញពីទីក្រុង Peshawar ទៅកាន់ភាគលិចនៃទីក្រុង Lahore ហើយ ពួកគេនឹងត្រូវបានផ្តល់ទីតាំង ស្នាក់នៅបណ្តោះអាសន្ន នៅអគារសហព័ន្ធបាល់ទាត់ របស់ប៉ាគីស្ថានជាកន្លែងរស់នៅ ៕
ប្រែសម្រួល៖ ស៊ុន លី
![](https://dap-news.com/wp-content/uploads/2020/08/1-1.png)