Covid-19

សិង្ហបុរី កំពុងកើនឡើងនូវ ករណីឆ្លងជំងឺកូវីដ-១៩ ប្រចាំថ្ងៃគួរឲ្យកត់សម្គាល់

សិង្ហបុរី៖ សិង្ហបុរីបានរាយការណ៍ថា មានករណីឆ្លងថ្មីនៃជំងឺកូវីដ-១៩ ចំនួន ៨០៧ ករណី ដែលធ្វើឱ្យចំនួនអ្នកឆ្លងសរុប នៅក្នុងរដ្ឋនេះកើនឡើងដល់ ៧៣,៩៣៨ករណី។

ក្រសួងសុខាភិបាលបានឲ្យដឹង នៅក្នុងសេចក្តីប្រកាសព័ត៌មានមួយថា ករណីថ្មីចំនួន ៧៧០ ស្ថិតនៅក្នុងសហគមន៍ ៣៤ករណី នៅក្នុងសិកដ្ឋានចំណាកស្រុកនិង ៣ ករណីទៀតជាករណីនាំចូល។

បច្ចុប្បន្ននេះមានករណីសរុបចំនួន ៨២២ ករណីត្រូវបានបញ្ជូនទៅ សង្គ្រោះនៅមន្ទីរពេទ្យ។ បច្ចុប្បន្នមានករណីធ្ងន់ធ្ងរចំនួន ៧៦ករណី ដែលត្រូវការការបន្ថែមអុកស៊ីសែន និង ៩ ករណីទៀតកំពុងស្ថិត ក្នុងស្ថានភាពធ្ងន់ធ្ងរ នៅក្នុងបន្ទប់ថែទាំបន្ទាន់ (ICU) ។

ក្នុងរយៈពេល ២៨ ថ្ងៃចុងក្រោយនេះភាគរយនៃ អ្នកដែលមិនបានចាក់វ៉ាក់សាំង ដែលបានធ្លាក់ខ្លួនឈឺធ្ងន់ធ្ងរ ឬស្លាប់គឺ ៥,៧ ភាគរយ ខណៈដែលវ៉ាក់សាំង ការពារពេញលេញគឺ ១,១ ភាគរយ ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top