ព័ត៌មានអន្តរជាតិ

វៀតណាម អនុម័តឲ្យប្រើប្រាស់ វ៉ាក់សាំងការពារ ជំងឺកូវីដ-១៩ Abdala របស់គុយបា

ហាណូយ៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី១៩ ខែកញ្ញា ឆ្នាំ២០២១ថា ប្រទេសវៀតណាម បានអនុម័តទៅលើវ៉ាក់សាំង Abdala របស់ប្រទេសគុយបា សម្រាប់ប្រើប្រាស់ប្រឆាំងនឹងវីរុសកូរ៉ូណា រដ្ឋាភិបាលបានឲ្យដឹងកាលពីថ្ងៃសៅរ៍ ខណៈដែលប្រជាជាតិអាស៊ីអាគ្នេយ៏មួយនេះ កំពុងតែប្រយុទ្ធនឹងការផ្ទុះជំងឺនៅក្នុងប្រទេសរបស់ខ្លួន ។

Abdala បានក្លាយជាវ៉ាក់សាំងការពារជំងឺកូវីដ-១៩ទី៨ហើយដែលបានអនុម័ត ឲ្យប្រើប្រាស់នៅក្នុងប្រទេសវៀតណាម ដែលជាប្រភេទវ៉ាក់សាំងមួយ ក្នុងចំណោមអត្រានៃការចាក់វ៉ាក់សាំងក្នុងកម្រិតតិចបំផុតនៅក្នុងតំបន់ ដែលមានត្រឹម៦,៣ភាគរយប៉ុណ្ណោះ នៃពលរដ្ឋរបស់ខ្លួន៩៨លាននាក់ដែលបានទទួលការចាក់ថ្នាំតិចបំផុត២ម្ជុល ។

ការប្រកាសបានធ្វើឡើង នៅប៉ុន្មានម៉ោង បន្ទាប់ពីលោកប្រធានាធិបតី Nguyen Xuan Phuc បានចាកចេញពីក្រុងហាណូយ សម្រាប់ការបំពេញទស្សនកិច្ចផ្លូវរដ្ឋមួយទៅកាន់រដ្ឋធានី Havana ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top