ព័ត៌មានអន្តរជាតិ

ឥណ្ឌូនេស៊ី មានអ្នកឆ្លងជំងឺកូវីដ-១៩ថ្មីជិត២.០០០នាក់ នាំឲ្យចំនួនអ្នកឆ្លង សរុបកើនលើសពី៤,១លាននាក់

ហ្សាការតា ៖ ទីភ្នាក់ងារព័ត៌មានចិនស៊ិនហួ បានចុះផ្សាយ កាលពីរាត្រីថ្ងៃទី២០ ខែកញ្ញា ឆ្នាំ២០២១ថា ក្រសួងសុខាភិបាល របស់ប្រទេសឥណ្ឌូនេស៊ី បានឲ្យដឹងកាលពីថ្ងៃចន្ទថា ចំនួនអ្នកឆ្លងជំងឺកូវីដ-១៩ថ្មី ចំនួន១.៩៣២នាក់ គិតក្នុងអំឡុងពេល១ថ្ងៃ ដែលនាំឲ្យចំនួន អ្នកឆ្លងជំងឺ សរុបកើនឡើងដល់៤.១៩២.៦៩៥នាក់ ជាមួយគ្នានេះដែរ ចំនួនអ្នកស្លាប់បន្ថែមទៀតមាន ១៦៦នាក់កើនដល់១៤០.៦៣៤នាក់ ។

យោងតាមក្រសួងបានឲ្យដឹងថា ពលរដ្ឋបន្ថែមទៀតចំនួន៦.៧៩៩នាក់បានចាកចេញពីមន្ទីរពេទ្យ ដែលនាំឲ្យចំនួនអ្នកជំងឺ ជាសះស្បើយពីជំងឺកូវីដ-១៩សរុបកើនឡើងដល់៣.៩៩៦.១២៥នាក់ ។

ក្រសួងបានឲ្យដឹងទៀតថា គិតមកដល់ត្រឹមថ្ងៃនេះ យ៉ាងហោចណាស់៤៥,២២លាននាក់ នៅក្នុងប្រទេសបានទទួល ការចាក់ថ្នាំវ៉ាក់សាំង២ដូស ទន្ទឹមនឹងនេះដែរ ៧៩,៦៥លាននាក់ បានទទួលការចាក់ថ្នាំដូសដំបូង ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top