ព័ត៌មានអន្តរជាតិ

ហ្វីលីពីន គាំទ្រកិច្ចព្រមព្រៀង នាវាមុជទឹកអូស្ត្រាលី ដើម្បីទប់ទល់នឹងចិន

បរទេស៖ប្រទេសហ្វីលីពីន តាមសេចក្តីរាយការណ៍ កំពុងធ្វើការគាំទ្រចំពោះភាពជាដៃគូការពារជាតិថ្មីមួយ រវាងសហរដ្ឋអាមេរិក អង់គ្លេសនិងអូស្ត្រាលី ដោយសង្ឃឹមថា វានឹងអាចរក្សាតុល្យភាពអំណាច នៅក្នុងតំបន់ឥណ្ឌូ-ប៉ាស៊ីហ្វិក ជាទស្សនៈមួយ ដែលខុសគ្នាជាខ្លាំងជាមួយនឹងប្រទេសជិតខាងខ្លះ។

សម្ពន្ធភាពថ្មី ដែលមានឈ្មោះថា AUKUS នឹងឃើញប្រទេសអូស្ត្រាលី ទទួលបានបច្ចេកវិទ្យាប្រើប្រាស់នាវាមុជទឹកដើរដោយថាមពលនុយក្លេអ៊ែ ជាផ្នែកនៃកិច្ចព្រមព្រៀង ដែលមានបំណងឆ្លើយតបទៅនឹងអំណាចរបស់ចិនកំពុងតែកើនខ្លាំងឡើង។

នៅក្នុងសេចក្តីថ្លែងការណ៍មួយ នាថ្ងៃអង្គារនេះ រដ្ឋមន្ត្រីការបរទេសហ្វីលីពីន លោក Teodoro Locsin បានមានប្រសាសន៍យ៉ាងដូច្នេះថា “ការធ្វើឲ្យប្រសើរឡើងនូវសមត្ថភាពសម្ពន្ធមិត្តជិតឆ្ងាយ ដើម្បីពង្រឹងអំណាច គួរតែធ្វើការស្តារនិងរក្សាតុល្យភាព ជាជាងការធ្វើឲ្យវាគ្មានស្ថិរភាព”។

គួរបញ្ជាក់ថា ការថ្លែងបែបនេះរបស់លោក Teodoro Locsin នេះ គឺមានភាពខុសគ្នានឹងគោលជំហររបស់ប្រទេសឥណ្ឌូនេស៊ីនិងម៉ាឡេស៊ី ដែលបានបង្ហាញពីក្តីព្រួយបារម្ភ ស្តីពីនាវាមុជទឹកដើរដោយថាមពលនុយក្លេអ៊ែនោះ ស្របពេលមានការប្រកួតប្រជែងអំណាច នៅក្នុងតំបន់អាស៊ីអាគ្នេយ៍៕ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top