ព័ត៌មានអន្តរជាតិ

ចិន ត្រៀមខ្លួនកែប្រែ ទំនាក់ទំនងជាមួយអាមេរិក ដោយផ្អែកលើការ គោរពគ្នាទៅវិញទៅមក

ប៉េកាំង៖ ឯកអគ្គរដ្ឋទូតចិនលោក Qin Gang បានឲ្យដឹងថា ប្រទេសចិន មានភាពស្មោះត្រង់ ក្នុងការចាប់ផ្តើមកិច្ចសន្ទនា ជាមួយសហរដ្ឋអាមេរិក ដើម្បីកាត់បន្ថយភាពតានតឹងទ្វេភាគី ដោយឈរលើមូលដ្ឋាននៃ ការគោរពគ្នាទៅវិញទៅមក។

លោក Qin បានឆ្លើយតបទៅនឹងសំណួរបន្ទាប់ពី ថ្លែងសុន្ទរកថានៅឯសេតវិមានថា “យើងនឹងបន្តធ្វើការ ជាមួយភាគីអាមេរិក ដរាបណាមានឱកាស សម្រាប់កិច្ចសហប្រតិបត្តិការ។ ការសន្ទនានិម្មិតដែលធ្វើឡើងរួមគ្នា ដោយមជ្ឈមណ្ឌលខាទ័រ និងGeorge H.W. Bush មូលនិធិ សម្រាប់ទំនាក់ទំនងអាមេរិក-ចិន។

លោកបានលើកឡើងថា “ហើយសហរដ្ឋអាមេរិកមិនគួររំពឹងថា កិច្ចសហប្រតិបត្តិការរបស់ចិន នៅក្នុងវិស័យដែលមាន តែសហរដ្ឋអាមេរិក មានតម្រូវការ និងផលប្រយោជន៍នោះទេ ខណៈដែលមិនអើពើ ឬថែមទាំងធ្វើឱ្យប៉ះពាល់ដល់ ផលប្រយោជន៍របស់ចិន ក្នុងពេលតែមួយជាពិសេស លើបញ្ហាស្នូលទាំងនេះ ទាក់ទងនឹងអធិបតេយ្យភាព និងបូរណភាពទឹកដីរបស់ចិន” ។

លោកបន្ដថា“ និយាយឱ្យត្រង់ទៅអ្វីដែលខ្ញុំព្រួយបារម្ភ គឺសហរដ្ឋអាមេរិក ប្រើការប្រកួតប្រជែង ដើម្បីកំណត់ទំនាក់ទំនងចិន-អាមេរិក ខណៈការប្រកួតប្រជែង ជាមួយភាគីអាមេរិក តែងតែមានការប្រឈមមុខដាក់គ្នា ជាពិសេសលើបញ្ហាធំៗ ទាក់ទងនឹងផលប្រយោជន៍ ស្នូលរបស់ចិន” ។

លោកបានបន្ដែមថា “ប្រសិនបើរឿងនេះមិនផ្លាស់ប្តូរនោះទេ វានឹងធ្វើឱ្យប៉ះពាល់ដល់កិច្ចប្រឹងប្រែងរបស់ចិន ក្នុងការលើកកម្ពស់ការជឿទុកចិត្តគ្នា និងកិច្ចសហប្រតិបត្តិការរបស់យើង”។

លោកបានបន្ថែមទៀតថា “មិនមានឧទាហរណ៍ណាមួយ នៅក្នុងប្រវត្តិសាស្ត្រទំនាក់ទំនងអន្តរជាតិ ដែលទំនាក់ទំនងនយោបាយ រវាងប្រទេសទាំងពីរស្ថិតក្នុង ការប្រកួតប្រជែង ឬសូម្បីតែការប្រឈមមុខដាក់គ្នា ប៉ុន្តែវិស័យផ្សេងទៀត នៅតែមានសុវត្ថិភាព” ។

លោកបានបញ្ជាក់ថា “អ្វីដែលសំខាន់បំផុតរវាងចិន និងអាមេរិក គឺការគោរពគ្នាទៅវិញទៅមក។ ចិន បើកចំហ និងរួមបញ្ចូលគ្នា។ យើងស្វាគមន៍ និងទទួលយកការផ្តល់យោបល់ ឬការរិះគន់ផ្សេងៗ ដរាបណាពួកគេមានគោល បំណងសច្ចធម៌មានចេតនាល្អ និងស្ថាបនា ហើយយើងនឹងការកែលម្អ “ការងារដ៏សំខាន់របស់ខ្ញុំ គឺទំនាក់ទំនងនិងស្តាប់” ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top