ព័ត៌មានអន្តរជាតិ

ថ្ងៃនេះសិង្ហបុរី មានករណីឆ្លងជំងឺកូវីដ-១៩ រហូតដល់ជិត ២៤៧៨ករណី

សិង្ហបុរី៖ ប្រទេសសិង្ហបុរីបានរាយការណ៍ ពីករណីថ្មីនៃជំងឺកូវីដ-១៩ ចំនួន ២,៤៧៨ ករណី ដោយបានឡើង ដល់កម្រិតខ្ពស់បំផុតថ្មី និងធ្វើឱ្យចំនួនអ្នកឆ្លងសរុប នៅក្នុងប្រទេសនេះកើនឡើងដល់ ៩៦,៥២១ ករណី។

ក្រសួងសុខាភិបាលបានឲ្យដឹង នៅក្នុងសេចក្តីថ្លែងការណ៍មួយថា ករណីថ្មីចំនួន ២,០២២ ករណីស្ថិតនៅក្នុងសហគមន៍ ៤៥២ករណី ស្ថិតនៅក្នុងអន្តេវាសិកដ្ឋាន ចំណាកស្រុកនិង ៤ ករណី ត្រូវបាននាំចូល។

ក្រសួងសុខាភិបាលបានឲ្យដឹងថា ករណីសរុបចំនួន ១,៣៦០ ករណីបច្ចុប្បន្នត្រូវបានគេដាក់ នៅក្នុងមន្ទីរពេទ្យដោយមានករណីធ្ងន់ធ្ងរ ចំនួន ២០៤ ករណី ដែលត្រូវការការបន្ថែមអុកស៊ីសែននិង ៣៤ នាក់ស្ថិតក្នុងស្ថានភាពធ្ងន់ធ្ងរ នៅក្នុងអង្គភាពថែទាំបន្ទាន់។

ក្រសួងបានឲ្យដឹងថា អ្នកជំងឺពីរនាក់ទៀតបានស្លាប់ ដោយសារផលវិបាក ដោយសារការឆ្លងមេរោគកូវីដ-១៩ ដែលធ្វើឱ្យចំនួនអ្នកស្លាប់ កើនឡើងដល់ ៩៥ នាក់។

ប្រជាជនក្នុងស្រុករបស់ប្រទេសសិង្ហបុរីចំនួន ៨២ ភាគរយត្រូវបានចាក់វ៉ាក់សាំង ពេញលេញហើយ ៨៥ ភាគរយបានទទួលយ៉ាងហោចណាស់ មួយដូស នេះបើយោងតាមក្រសួងសុខាភិបាល៕ ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×