ប្រទេសអាហ្សង់ទីន យល់ព្រមចាក់វ៉ាក់សាំង បង្ការជំងឺកូវីដ១៩ ស៊ីណូហ្វាម ដល់កុមារអាយុចាប់ពី ៣ឆ្នាំ ដល់១១ឆ្នាំ

បរទេស៖ រដ្ឋមន្រ្តីក្រសួងសុខាភិបាល របស់ប្រទេសអាហ្សង់ទីន បានប្រកាសកាលពីថ្ងៃសុក្រថា ប្រទេសអាហ្សង់ទីននឹងចាប់ផ្តើមចាក់វ៉ាក់សាំង ការពារជំងឺកូវីដ១៩ ទៅលើកុមារអាយុពី ៣ ទៅ ១១ ឆ្នាំ ជាមួយវ៉ាក់សាំង ស៊ីណូហ្វាម ។

យោងតាមសារព័ត៌មាន CGTN ចេញផ្សាយនៅថ្ងៃទី២ ខែតុលា ឆ្នាំ២០២១ បានឱ្យដឹងថា ប្រទេសនេះគ្រោងនឹងចាក់ថ្នាំបង្ការរោគដល់ប្រជាពលរដ្ឋទាំងអស់ ដែលមានអាយុលើសពី ៣ ឆ្នាំនៅចុងឆ្នាំនេះផងដែរ។

សូមជម្រាបថា ប្រទេសចិនបានផ្តល់ជាផ្លូវការ នូវការអនុញ្ញាតឱ្យប្រើប្រាស់បន្ទាន់ ចំពោះវ៉ាក់សាំងការពារជំងឺកូវីដ -១៩ ដែលបង្កើតឡើងដោយក្រុមហ៊ុន ស៊ីណូហ្វាម សម្រាប់មនុស្សដែលមានអាយុពី ៣ ទៅ ១៧ ឆ្នាំ កាលពីពាក់កណ្តាលខែកក្កដា ឆ្នាំ២០២១៕ ប្រែសម្រួលៈ ណៃ តុលា