Covid-19

សិង្ហបុរី មានករណីឆ្លង ជំងឺកូវីដ-១៩ ប្រចាំថ្ងៃកើនឡើង គួរឲ្យកត់សម្គាល់

សិង្ហបុរី៖ ប្រទេសសិង្ហបុរី បានរាយការណ៍ពីករណីថ្មីចំនួន ៣,៥៩០ ករណីនៃជំងឺកូវីដ-១៩ ដែលធ្វើឱ្យចំនួនករណីឆ្លងសរុប នៅក្នុងប្រទេសនេះកើនឡើងដល់ ១២០,៤៥៤ ករណី នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

នេះគឺជាថ្ងៃទី៤ ជាប់ៗគ្នាហើយនៅពេលដែលករណីថ្មីប្រចាំថ្ងៃ កើនឡើងលើសពី ៣,០០០ ករណី នៅក្នុងរដ្ឋទីក្រុង របស់ប្រទេសសិង្ហបុរី ដែលជាការកើនឡើង នូវករណីឆ្លងជំងឺគួរឲ្យព្រួយបារម្ភ។

ក្រសួងសុខាភិបាលបានឲ្យដឹងនៅក្នុងសេចក្តីថ្លែងការណ៍មួយថា ករណីថ្មីចំនួន ២,៨២៥ ស្ថិតនៅក្នុងសហគមន៍ ៧៦៥ករណី ស្ថិតនៅក្នុងអន្តេវាសិកដ្ឋានកម្មករចំណាកស្រុក។ ក្នុងចំណោមករណីក្នុងស្រុកនាពេលបច្ចុប្បន្ននេះ មានមនុស្សចាស់ចំនួន ៦១៩ នាក់ ដែលមានអាយុលើសពី ៦០ ឆ្នាំ។

បច្ចុប្បន្ននេះមានករណីសរុបចំនួន ១,៥៦៤ ត្រូវបានបញ្ជូនទៅសង្គ្រោះ នៅមន្ទីរពេទ្យ។ អ្នកជំងឺ ៦ នាក់ទៀតបានស្លាប់ដោយសារផលវិបាកដោយសារ ការឆ្លងមេរោគកូវីដ-១៩ ធ្វើឱ្យចំនួនអ្នកស្លាប់សរុបកើនឡើងដល់ ១៤២ នាក់។

គួរបញ្ជាក់ថា ប្រជាជនក្នុងស្រុកចំនួន ៨៣ ភាគរយ បានទទួលវ៉ាក់សាំងការពារជំងឺកូវីដ-១៩ ចំនួនពីរដូស ហើយ ៨៥ ភាគរយបានទទួលយ៉ាងហោចណាស់មួយដូស៕ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×