ព័ត៌មានអន្តរជាតិ

មន្ត្រីការទូតកូរ៉េខាងត្បូង៖ រុស្ស៊ី គាំទ្រការបញ្ចប់សង្គ្រាមកូរ៉េ ទាំងស្រុង

បរទេស៖ មន្ត្រីការទូតកូរ៉េខាងត្បូងមួយរូប តាមសេចក្តីរាយការណ៍ បាននិយាយថា រដ្ឋាភិបាលរុស្ស៊ី បានបង្ហាញនូវការគាំទ្រ សម្រាប់ការប្រកាសជាផ្លូវការបញ្ចប់សង្គ្រាមកូរ៉េ នៅក្នុងអំឡុងកិច្ចពិភាក្សាគ្នានៅទីក្រុងមូស្គូ។


លោក Noh Kyu-duk ដែលជាប្រធានប្រេសិតនុយក្លេអ៊ែរបស់ប្រទេសកូរ៉េខាងត្បូង បានជួបគ្នាជាមួយលោក Igor Morgulov អនុរដ្ឋមន្ត្រីការបរទេសរបស់ប្រទេសរុស្ស៊ី កាលពីថ្ងៃព្រហស្បតិ៍ ពិភាក្សាគ្នាអំពីបញ្ហាសន្តិភាពនៅលើឧបទ្វីបកូរ៉េ។


យោងតាមសេចក្តីរាយការណ៍មួយ ដែលចេញផ្សាយដោយនៅថ្ងៃទី១៦ ខែតុលា ឆ្នាំ២០២១ បានឲ្យដឹងថា លោក Noh Kyu-duk បាននិយាយប្រាប់អ្នកសារព័ត៌មានថា រដ្ឋាភិបាលរុស្ស៊ីមើលឃើញការបញ្ចប់សង្គ្រាមជាផ្លូវការថា ជាវិធានការកសាងទំនុកចិត្ត។


ប្រធានប្រេសិតនុយក្លេអ៊ែរ បស់ប្រទេសកូរ៉េខាងត្បូងរូបនេះ បានមានប្រសាសាន៍បន្តទៀតថា លោក Igor Morgulov បានធ្វើការបញ្ជាក់ជាថ្មី នូវការប្តេជ្ញារបស់រដ្ឋាភិបាលរុស្ស៊ី ក្នុងការធ្វើតួនាទីដ៏មានអំណោយផលល្អ សម្រាប់ដំណើរវិវត្តទៅមុខ នៅក្នុងដំណើរការសន្តិភាពលើឧបទ្វីបកូរ៉េ៕


ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×