ព័ត៌មានអន្តរជាតិ

គុយបា​ រំពឹងទុកថា វិស័យទេសចរណ៍ នឹងស្ទុះឡើងវិញ ចាប់ពីខែវិច្ឆិកា

បរទេស ៖ រដ្ឋមន្ត្រីក្រសួងទេសចរណ៍ នៃប្រទេសគុយបា លោក Juan Carlos Carcia កាលពីថ្ងៃអង្គារម្សិលមិញ បានប្រកាសប្រទេសគុយបា បានដាក់ការព្យាករណ៍ថា វិស័យទេសចរណ៍ នឹងទទួលបានកំណើនឡើងវិញ ខ្លាំងក្នុងរដូវ peak season ក្នុងខែវិច្ឆិកាខាងមុខនេះ។

លោករដ្ឋមន្ត្រី ក៏ធ្លាប់បានបញ្ជាក់ដែរថា មកទល់នឹងពេលនេះ ពលរដ្ឋគុយបា ប្រមានជា៩០ភាគរយ មកហើយដែលទទួលបានការចាក់វ៉ាក់សាំង លើកទី១ ទៅហើយយ៉ាងហោចណាស ជាមួយនឹងវ៉ាក់សាំង ជាផលិតផលក្នុងស្រុក ហើយកំពុងដំណើរការត្រៀម ទទួលភ្ញៀវទេសចរណ៍អន្តរជាតិ ដែលចាក់វ៉ាក់សាំងរួចរាល់ ។

លោកបន្តថា ក្រុមការងារសុខាភិបាល នឹងធ្វើការងារ ដើម្បីធានាឲ្យបាននូវគោលការណ៍កូវីដ នៅគ្រប់សណ្ឋាគារទាំងអស់ ហើយត្រឹមថ្ងៃទី១៥ ខែវិច្ឆិកា ខាងមុខនេះភ្ញៀវអន្តរជាតិ នឹងអាចចាប់ផ្តើមធ្វើដំណើរ ចូលមកដល់ប្រទេសគុយបា ហើយ។

ដោយឡែក ចំពោះភ្ញៀវទេសចរណ៍ ដែលមិនមាន ចាក់វ៉ាក់សាំង នឹងត្រូវបង្ហាញនូវលិខិត ធ្វើតេស្ត PCR Test ជាមួយនឹងលទ្ធផលអវិជ្ជមាន ជាមុនមុនពេល៧២ម៉ោង ដែលត្រូវធ្វើដំនើរ មកដល់ប្រទេសគុយបា៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×