Covid-19

វៀតណាម មានអ្នកឆ្លង ជំងឺកូវីដ១៩ថ្មីជាង ៣,៦ពាន់នាក់

ហាណូយ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៥ ខែតុលា ឆ្នាំ២០២១ថា ក្រសួងសុខាភិបាលរបស់ ប្រទេសវៀតណាមបានឲ្យដឹងថា វៀតណម មានករណីថ្មីនៃជំងឺកូវីដ-១៩ចំនួន ៣.៦៣៩នាក់ គិតត្រឹមថ្ងៃចន្ទ ក្នុងនោះរាប់ ទាំង៣.៦២០នាក់ ដែលជាអ្នកឆ្លងជំងឺក្នុងស្រុក និង១៩នាក់ ជាអ្នកនាំចូលពីខាងក្រៅ ។

ភាគច្រើនៃអ្នកឆ្លងក្នុងសហគមន៍ ត្រូវបានរកឃើញនៅតំបន់ភាគខាងត្បូង ក្នុងនោះបូកទាំងក្រុងហូជីមិញ ដែលមានអ្នកឆ្លងចំនួន ៩៦៩នាក់ ខេត្ត Binh Duong ចំនួន៥១៧នាក់ និងខេត្ត Dong Nai ៤៥៨នាក់ ។

ក្រសួងសុខាភិបាលបានឲ្យដឹងថា ករណីថ្មីនេះនាំឲ្យចំនួនអ្នកឆ្លងជំងឺសរុប នៅក្នុងប្រទេសកើនឡើងដល់ ៨៩២.៥៧៩នាក់ ជាមួយគ្នានេះដែរ មានអ្នកស្លាប់ ២១.៧៣៨នាក់។

នៅទូទាំងប្រទេសអ្នកជំងឺកូវីដ-១៩ចំនួន ៨០៧.៣០១នាក់ បានជាសះស្បើយពីជំងឺ បានកើនឡើង ១.៣២៣នាក់ គិតពីថ្ងៃ សៅរ៍ ទន្ទឹមនឹងនេះដែរ ចំនួនជាង៧៤លានដូស នៃវ៉ាក់សាំងកូវីដ-១៩ ត្រូវបានចាក់ដល់ពលរដ្ឋ ។ ក្រសួងបានឲ្យដឹងដូច្នេះ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×