ព័ត៌មានអន្តរជាតិ

មេដឹកនាំអេហ្ស៊ីប ទូរស័ព្ទទៅនាយករដ្ឋមន្រ្តី អ៊ីរ៉ាក់ ភ្លាមៗ ក្រោយដឹងថា មានការប៉ុនប៉ង ធ្វើឃាតលោក

គ៊ែរ ៖ ប្រធានាធិបតីអេហ្ស៊ីប លោក Abdel-Fattah al-Sisi បានទូរស័ព្ទទៅកាន់ នាយករដ្ឋមន្ត្រីអ៊ីរ៉ាក់ លោក Mustafa al-Kadhimi ដើម្បីសួរសុខទុក្ខ លោកបន្ទាប់ពី “ការប៉ុនប៉ងធ្វើឃាតដ៏សាហាវ” ដែលបានកំណត់ គោលដៅលើមន្ត្រីអ៊ីរ៉ាក់ ។

ក្នុងអំឡុងពេលសន្ទនា តាមទូរស័ព្ទ លោក Sisi បានជូនពរលោក al-Kadhimi និងប្រជាជនអ៊ីរ៉ាក់ទាំងអស់ “សន្តិសុខ ស្ថិរភាព និងសន្តិភាព” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

សម្រាប់ផ្នែក របស់លោកនាយករដ្ឋមន្ត្រី អ៊ីរ៉ាក់ បានកោតសរសើរ ចំពោះកាយវិការល្អ “ដែលឆ្លុះបញ្ចាំង ពីភាពរឹងមាំ នៃទំនាក់ទំនង ប្រវត្តិសាស្ត្រ រវាងប្រទេសទាំងពីរ” ។ ការប៉ុនប៉ងធ្វើឃាត ដែលបរាជ័យនេះ ត្រូវបានធ្វើឡើងតាមរយៈយន្តហោះដ្រូន សំដៅទៅកាន់លំនៅដ្ឋានផ្លូវការ របស់នាយករដ្ឋមន្ត្រីអ៊ីរ៉ាក់ ។

ផ្ទាំងពាណិជ្ជកម្ម

នៅក្នុងសេចក្តីថ្លែងការណ៍មុននេះ ប្រធានាធិបតីអេហ្ស៊ីបបានឲ្យដឹងថា លោកបានតាមដានព័ត៌មាននេះ “ដោយក្តីបារម្ភជាខ្លាំង” ដោយជំរុញឱ្យគណបក្ស និងមហាអំណាចនយោបាយ អ៊ីរ៉ាក់ ទាំងអស់ប្រកាន់ខ្ជាប់នូវ ភាពស្ងប់ស្ងាត់ លះបង់អំពើហិង្សា និងរក្សាសាមគ្គីភាព ដើម្បីការពារស្ថិរភាពរបស់ប្រទេស និងសម្រេចបាននូវសេចក្តីប្រាថ្នា របស់ប្រជាជនអ៊ីរ៉ាក់ ។

ប៉ុន្មានម៉ោងបន្ទាប់ពីការប៉ុនប៉ងនេះ លោក al-Kadhimi បានបង្ហោះវីដេអូសុន្ទរកថា នៅលើទំព័រ Twitter ផ្លូវការរបស់លោក ដោយរិះគន់ការ វាយប្រហារនេះ ហើយអំពាវនាវឱ្យភាគីទាំងអស់ “ស្វែងរកការសន្ទនាស្ងប់ស្ងាត់ ដើម្បីកសាងប្រទេសអ៊ីរ៉ាក់ និងអនាគតរបស់ខ្លួន ។

ការប៉ុនប៉ងធ្វើឃាតនេះ បានកើតឡើងចំពេលដែលការតវ៉ា ដែលថ្មីៗ នេះបានវិវត្តទៅជាការប៉ះទង្គិចគ្នា ដោយហឹង្សាជាមួយកង កម្លាំងសន្តិសុខ ដោយអ្នកតាមដានគណបក្សនយោបាយ បានបដិសេធលទ្ធផល បោះឆ្នោតកាលពីខែមុន ៕
ដោយ ឈូក បូរ៉ា

To Top
×