ព័ត៌មានអន្តរជាតិ

ករណីឆ្លងជំងឺកូវីដ-១៩ ប្រចាំថ្ងៃនៅសិង្ហបុរី ធ្លាក់ចុះមកត្រឹមជាង ១៦០០ករណី

សិង្ហបុរី ៖ ប្រទេសសិង្ហបុរីបាន រាយការណ៍ករណីថ្មីចំនួន ១៦៧០ករណី នៃជំងឺកូវីដ-១៩ ដែលនាំឱ្យចំនួនឆ្លង សរុបកើនឡើងដល់ ២៥២,១៨៨ករណី នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

ក្រសួងសុខាភិបាល (MOH) បានឲ្យដឹងនៅក្នុងសេចក្តីថ្លែងការណ៍មួយថា ក្នុងចំណោមករណីថ្មីចំនួន ១៥៧៧ករណីស្ថិតនៅក្នុងសហគមន៍ ៨០ករណី ស្ថិតនៅក្នុងអន្តេវាសិកដ្ឋានរបស់ពលករចំណាកស្រុក និង ១៣ករណីត្រូវបាននាំចូល។

ផ្ទាំងពាណិជ្ជកម្ម

ករណីកូវីដ-១៩ សរុបចំនួន ១,៣៦២ ករណី កំពុងសម្រាកព្យាបាល នៅមន្ទីរពេទ្យ ដោយ ១៨៦ ករណី ត្រូវការការបន្ថែម អុកស៊ីហ្សែន នៅក្នុងវួដទូទៅ ៤៤ ករណីមិនស្ថិតស្ថេរ និង ស្ថិតក្រោមការត្រួតពិនិត្យយ៉ាង ដិតដល់នៅក្នុងបន្ទប់ថែទាំដែលពឹងផ្អែកខ្លាំង (ICUs) និង ៦០ ករណីកំពុងស្ថិតក្នុងស្ថាន ភាពធ្ងន់ធ្ងរ។ នៅក្នុង ICU ។ អត្រាប្រើប្រាស់ ICU សរុបបច្ចុប្បន្នគឺ ៥២,៩ភាគរយ។

ក្រសួងបានឲ្យដឹងថា អ្នកជំងឺ ៨ នាក់ទៀតបានស្លាប់ដោយសារផលវិបាក ដោយសារការឆ្លងមេរោគកូវីដ-១៩ នៅក្នុងប្រទេសអាស៊ីអាគ្នេយ៍ ដែលនាំឱ្យចំនួនអ្នកស្លាប់កើនឡើងដល់ ៦៦២ នាក់ ៕

To Top
×