ព័ត៌មានអន្តរជាតិ

ក្រុមអ្នកជំនាញ៖ ទំនាក់ទំនងល្អរវាងមហាអំណាច អាមេរិក-ចិន ផ្ដល់ផលប្រយោជន៍ច្រើនដល់ពិភពលោក 

ប៉េកាំង៖ ការអភិវឌ្ឍន៍ប្រកបដោយស្ថិរភាពរវាងមហាអំណាចពិភពលោកចិន-អាមេរិក អ្នក​ជំនាញ​នៅ​បរទេស​បាន​លើកឡើងថា ទំនាក់ទំនង​នេះមាន​ប្រយោជន៍​ច្រើន សម្រាប់​ប្រទេស​មហាអំណាចសេដ្ឋកិច្ចទាំង​ពីរ  និង​ពិភពលោក។

ប្រធានាធិបតី​ចិន លោក ស៊ី ជីនពីង មាន​ជំនួប​និម្មិត​ជាមួយ​ប្រធានាធិបតី​អាមេរិកលោក ចូ បៃដិន នៅ​ថ្ងៃ​អង្គារ។  ភាគីទាំងពីរមានការប្រាស្រ័យទាក់ទងគ្នាយ៉ាងហ្មត់ចត់ និងស៊ីជម្រៅលើបញ្ហាយុទ្ធសាស្ត្រ ភាពទូលំទូលាយ និងសារៈសំខាន់ជាមូលដ្ឋានដែលបង្កើតការអភិវឌ្ឍន៍នៃប្រទេសចិន-អាមេរិក លើទំនាក់ទំនង និងបញ្ហាសំខាន់ៗដែលមានផលប្រយោជន៍ទៅវិញទៅមក។

អតីតរដ្ឋមន្ត្រីការបរទេសអាមេរិក លោក Henry Kissinger បានលើកឡើងថា កិច្ចប្រជុំនិម្មិតគឺជា “ការចាប់ផ្តើមដ៏ល្អ” នៅពេលចូលរួមក្នុងវេទិកាមួយដែលធ្វើឡើងនៅប្រទេសសិង្ហបុរី។

ដោយទទួលស្គាល់ថា វឌ្ឍនភាពត្រូវបានធ្វើឡើងក្នុងការរួមគ្នាដោះស្រាយការប្រែប្រួលអាកាសធាតុដោយភាគីទាំងពីរ លោក Kissinger បានលើកឡើងថា មានបញ្ហាជាច្រើនដែលកិច្ចសហប្រតិបត្តិការរវាងភាគីទាំងពីរអាចមានប្រយោជន៍។

ទាក់ទងទៅនឹងទំនាក់ទំនងរវាង ចិន-អាមេរិក  លោក Volker Tschapke ប្រធានកិត្តិយសនៃសមាគម Prussian របស់ប្រទេសអាល្លឺម៉ង់ បានលើកឡើងថា ទំនាក់ទំនងគឺមានសារៈសំខាន់ចំពោះស្ថិរភាព និងការអភិវឌ្ឍន៍របស់ពិភពលោក។

លោក Tschapke បានលើកឡើងថា “ទំនាក់ទំនងចិន-អាមេរិក ដែលមានស្ថិរភាពក៏ត្រូវបានរំពឹងទុកជាទូទៅដោយសហគមន៍អន្តរជាតិផងដែរ ដែលឆ្លើយតបទៅនឹងផលប្រយោជន៍របស់ភាគីទាំងពីរ” ។

ផ្ទាំងពាណិជ្ជកម្ម

លោក Kazi Nabil Ahmed សមាជិកនៃគណៈកម្មាធិការអចិន្ត្រៃយ៍សភាទទួលបន្ទុកកិច្ចការបរទេសរបស់ប្រទេសបង់ក្លាដែស បានឲ្យដឹងថា កិច្ចពិភាក្សាមាន “ផ្លែផ្កាសម្រាប់ភាគីទាំងពីរក្នុងការស្វែងយល់គ្នាទៅវិញទៅមកកាន់តែប្រសើរឡើង” ។

លោក​បាន​បន្ត​ថា  “ទំនាក់ទំនង​ល្អ​រវាង​ចិន​និង​អាមេរិក នឹង​មាន​អត្ថប្រយោជន៍​សម្រាប់​ភាគី​ទាំង​សងខាង ហើយ​ក៏​នឹង​ផ្តល់​អត្ថប្រយោជន៍​ដល់​ពិភពលោក​ទាំងមូល​ទាំង​ផ្នែក​សេដ្ឋកិច្ច និង​នយោបាយ​ផងដែរ”។

ដោយកត់សម្គាល់ថា កិច្ចប្រជុំនិម្មិតមានសារៈសំខាន់ខ្លាំងណាស់ លោក Allan Behm នាយកកម្មវិធីកិច្ចការអន្តរជាតិ និងសន្តិសុខនៅវិទ្យាស្ថានអូស្ត្រាលីបានឲ្យដឹងថា វានាំមកនូវក្តីសង្ឃឹមខ្លះដល់ពិភពលោក។

លោកបានបន្ដថា កិច្ចប្រជុំនេះគឺជាការបង្ហាញដ៏មានឥទ្ធិពលដែលប្រទេសទាំងពីរអាច “សហការលើបញ្ហាដែលបង្កើតជាការគំរាមកំហែងអត្ថិភាពចំពោះមនុស្សជាតិ”។

នៅក្នុងក្រសែភ្នែករបស់លោក Wichai Kinchong Choi អនុប្រធានជាន់ខ្ពស់នៃធនាគារឈានមុខគេរបស់ប្រទេសថៃ Kasikornbank កិច្ចប្រជុំអាចជា “ជំហានដ៏សំខាន់ សម្រាប់ការយល់ដឹង ការផ្លាស់ប្តូរ និងកិច្ចសហប្រតិបត្តិការកាន់តែប្រសើរឡើងរវាងសហរដ្ឋអាមេរិក និងប្រទេសចិន”៕ដោយ ឈូក បូរ៉ា

To Top