ព័ត៌មានអន្តរជាតិ

អាមេរិក មានចេតនា បំភ្លៃការពិត ទាក់ទងនឹងការ បណ្តេញមន្ត្រីការ ទូតរុស្ស៊ី

ម៉ូស្គូ ៖ ឯកអគ្គរដ្ឋទូតរុស្ស៊ី ប្រចាំនៅសហរដ្ឋអាមេរិក លោក Anatoly Antonov បានលើកឡើងថា ទីក្រុងវ៉ាស៊ីនតោន មានចេតនាបំភ្លៃការពិត ទាក់ទងនឹងការបណ្តេញ មន្ត្រីការទូតរុស្ស៊ី នេះបើយោងតាមការចុះផ្សាយ របស់ទីភ្នាក់ងារ សារព័ត៌មានចិនស៊ិនហួ ។

លោក Antonov ត្រូវបានគេដកស្រង់សម្តី ដោយឲ្យដឹងក្នុង សារបង្ហោះ លើ Facebook ដែលផ្សាយ ដោយស្ថានទូត រុស្ស៊ី ប្រចាំទីក្រុង Washington D.C ថា “សហរដ្ឋអាមេរិក កំពុង ព្យាយាមបំភាន់ សាធារណជន អាមេរិក និងអន្តរជាតិ ដោយចេតនា បំភ្លៃការពិត”។

លោក Antonov បានលើកឡើងថា ទីក្រុងវ៉ាស៊ីនតោន គឺជាអ្នកដំបូងដែលណែនាំការ កំណត់រយៈពេល ៣ឆ្នាំលើការងាររយៈពេលវែង សម្រាប់បុគ្គលិកនៃស្ថានទូត នៅ ទីក្រុងវ៉ាស៊ីនតោន ឌី.ស៊ី និងស្ថានអគ្គកុងស៊ុល រុស្ស៊ី នៅទីក្រុងញូវយ៉ក និងហ៊ូស្តុន ខណៈដែលបេសកកម្មការទូត ផ្សេងទៀត មានកំណត់រយៈពេល ៥ឆ្នាំ ។

លោក Antonov បានបន្ថែមថា “ភាគីអាមេរិកបានបញ្ជាក់យ៉ាងច្បាស់ថា ក្នុងករណីមានការបដិសេធមិន បំពេញតាមសំណើនេះ អភ័យឯកសិទ្ធិ និងឯកសិទ្ធិការទូតផ្សេងទៀត របស់បុគ្គលិករុស្ស៊ី នឹងត្រូវដកហូតវិញ” ដោយលោក Antonov បានបន្ថែមដោយហៅទង្វើនេះថា ជាការបណ្តេញចេញដោយការពិត ។

ផ្ទាំងពាណិជ្ជកម្ម

បេសកជនរុស្ស៊ីបានសង្កត់ធ្ងន់ថា ជំនួសឱ្យការកំណត់សិទ្ធិអធិបតេយ្យ ភាពរបស់ប្រទេស នៅពេលនិយាយអំពីការ សម្រេចចិត្តរបស់បុគ្គលិក ចាំបាច់ត្រូវធ្វើការសន្ទនាដោយស្មោះត្រង់ និងគោរពជាមួយទីក្រុង វ៉ាស៊ីនតោនលើបញ្ហានេះ ។

លោកបានបន្ដថា “យើងជំរុញ ឱ្យទីក្រុងវ៉ាស៊ីនតោន ត្រឡប់ទៅការអនុលោម តាមកាតព្វកិច្ចអន្តរជាតិ ទាក់ទងនឹងទ្រព្យសម្បត្តិការទូត និងការអនុវត្តមុខងារធម្មតា នៃបេសកកម្មការទូត” ។

អ្នកនាំពាក្យរង ក្រសួងការបរទេស សហរដ្ឋអាមេរិក លោកស្រី Jalina Porter បានឲ្យដឹងថា ការចាកចេញរបស់អ្នកការទូតរុស្ស៊ី មួយចំនួនពី សហរដ្ឋអាមេរិក មិនមែនជាការបណ្តេញចេញនោះទេ ប៉ុន្តែជា “វិធីសាស្រ្តដែលប្រើដើម្បីបង្កើត សមភាពកាន់តែច្រើន” ជាមួយបេសកកម្មការទូត៕

ដោយ ឈូក បូរ៉ា

To Top
×