ឡុងដ៌៖ ចក្រភពអង់គ្លេស បានចុះបញ្ជីការឆ្លងជំងឺកូវីដ-១៩ថ្មីចំនួន ៥០៥៨៤ករណី ដែលនាំឱ្យចំនួនករណីឆ្លង មេរោគសរុបនៅក្នុងប្រទេសនេះ កើនឡើងដល់ ១០,៣៧៩,៦៤៧ករណី នេះបើយោងតាមតួលេខផ្លូវការ។
ប្រទេសនេះ ក៏បានរាយការណ៍ពីការស្លាប់ ដែលទាក់ទងនឹងជំងឺកូវីដ១៩បន្ថែមទៀតចំនួន ១៤៣នាក់។ ចំនួនសរុបនៃការស្លាប់ទាក់ទងនឹងមេរោគឆ្លង នៅក្នុងប្រទេសអង់គ្លេស ឥឡូវនេះមានចំនួន ១៤៥,៤២៤នាក់ ដោយមានអ្នកជំងឺ COVID-19 ៧៣៧៣នាក់ កំពុងសម្រាកព្យាបាល នៅមន្ទីរពេទ្យនៅឡើយ។
ទិន្នន័យចុងក្រោយបំផុត បានកើតឡើងនៅពេលដែល ប្រទេសនេះ បានបញ្ជាក់ពីករណី នៃទម្រង់ឆ្លងថ្មីអូមីក្រុង ចំនួន ២២ករណី នៅក្នុងប្រទេសអង់គ្លេស ២៩ករណីនៅស្កុតឡេន និង ១ករណីនៅប្រទេសវែល។
ការប្រជុំ នៃក្រុមរងការគំរាមកំហែង នៃមេរោគផ្លូវដង្ហើមថ្មី និងកំពុងកើតមាន (Nervtag) លើទម្រង់ឆ្លង Sars-CoV-2 B.1.1.529 បានសន្និដ្ឋានថា ប្រសិនបើណែនាំដល់ប្រទេសអង់គ្លេស ទម្រង់នេះនឹងអាចចាប់ផ្តើមរលកថ្មី នៃការឆ្លងជំងឺកូវីដ-១៩។
ទន្ទឹមនឹងនេះ មន្ត្រីអង់គ្លេសបានឲ្យដឹងថា ជាងពាក់កណ្តាលនៃករណីដែលបានបញ្ជាក់ នៃទម្រង់ឆ្លងថ្មីអូមីក្រុង នៅក្នុងប្រទេសអង់គ្លេស បានកើតឡើងបន្ទាប់ពី ការចាក់វ៉ាក់សាំងយ៉ាងហោចណាស់ពីរដូស។
យោងតាមការសង្ខេបបច្ចេកទេសថ្មី ពីទីភ្នាក់ងារសន្តិសុខសុខភាពចក្រភពអង់គ្លេស (UKHSA) មានករណីចំនួន ១២ករណី ក្នុងចំណោម ២២ ករណីដែលគេរកឃើញ រហូតដល់ថ្ងៃទី 30 ខែវិច្ឆិកា ត្រូវបានចាក់វ៉ាក់សាំង យ៉ាងពេញលេញ៕
