រ៉ាម៉ាឡា៖ ប៉ាឡេស្ទីនបានព្រមាន ប្រឆាំងនឹងការយល់ព្រមរបស់រដ្ឋាភិបាលអ៊ីស្រាអែល លើផែនការដោះស្រាយ ដោយលើកឡើងថា វារួមបញ្ចូលទាំងការសាងសង់ លំនៅដ្ឋានចំនួន ១០៥៨យូនីត នៅតំបន់វេសបែង និងយេរ៉ូសាឡឹមខាងកើត ។
អ្នកនាំពាក្យ ប្រធានាធិបតីប៉ាឡេស្ទីន លោក Nabil Abu Rudeineh បានឲ្យដឹង នៅក្នុងសេចក្តីថ្លែងការណ៍មួយថា រដ្ឋាភិបាលអ៊ីស្រាអែល “កំពុងព្យាយាមប្រជែង នឹងពេលវេលា ដើម្បីដាក់ការពិត នៅលើដីនៅក្នុងទឹកដីប៉ាឡេស្ទីន ដែលខ្លួនកាន់កាប់” ។
លោកបានបន្ថែមថា “វាច្បាស់ណាស់ថា រដ្ឋាភិបាលនេះចង់រារាំងការបង្កើតរដ្ឋប៉ាឡេស្ទីន ដែលមានភូមិសាស្ត្រជាប់គ្នា នៅព្រំដែនឆ្នាំ១៩៦7 ជាមួយក្រុងយេរ៉ូសាឡឹមខាងកើត ជារដ្ឋធានីរបស់ខ្លួន” ។
លោកបានអំពាវនាវ ដល់សហគមន៍អន្តរជាតិ ឲ្យចាត់វិធានការជាក់ស្តែង ដើម្បីរារាំងអ៊ីស្រាអែលពីការអនុវត្ត គម្រោងការតាំងទីលំនៅដ៏គ្រោះថ្នាក់របស់ខ្លួន នេះបើយោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។
អង្គការរំដោះប៉ាឡេស្ទីន (PLO) កាលពីថ្ងៃសៅរ៍បានឲ្យដឹងថា ទីបំផុតអ៊ីស្រាអែល បានយល់ព្រមបង្កើត អង្គភាពតាំងទីលំនៅជាង ១០០០យូនីត។
យោងតាមការប៉ាន់ប្រមាណ របស់អ៊ីស្រាអែល និងប៉ាឡេស្ទីន អ្នកតាំងលំនៅអ៊ីស្រាអែល ប្រហែល ៦៥ម៉ឺននាក់រស់នៅក្នុង ១៦៤ការតាំងទីលំនៅ និង ១២៤កន្លែង នៅតំបន់វេសបែង និងយេរ៉ូសាឡឹមខាងកើត ។
ការតាំងទីលំនៅរបស់អ៊ីស្រាអែល គឺជាបញ្ហាមួយ ក្នុងចំណោមបញ្ហាបន្លាចបំផុត នៅក្នុងជម្លោះប៉ាឡេស្ទីន-អ៊ីស្រាអែល និងជាមូលហេតុចម្បងមួយ សម្រាប់ការធ្វើឱ្យមានការរំខាន ដល់ការចរចាសន្តិភាព ដោយផ្ទាល់ចុងក្រោយ រវាងភាគីទាំងពីរ៕ ដោយ ឈូក បូរ៉ា
