ព័ត៌មានអន្តរជាតិ

នារដូវក្តៅនេះ អូស្ត្រាលី កំពុងរងការបំផ្លិចបំផ្លាញ ដោយសារគ្រោះទឹកជំនន់ និងភ្លើងឆេះព្រៃ

ស៊ីដនី៖ ទីភ្នាក់ងារព័ត៌មានចិន ស៊ិនហួ បានចុះផ្សាយនៅថ្ងៃទី០៩ ខែធ្នូ ឆ្នាំ២០២១ថា លក្ខខណ្ឌអាកាស ធាតុខ្លាំង កំពុងបន្តបំផ្លាញការបំផ្លិចបំផ្លាញ ក្នុងអំឡុងពេលដើមរដូវក្តៅ នៅក្នុងប្រទេសអូស្ត្រាលី ជាមួយនឹងគ្រោះទឹកជំនន់ កើតឡើងនៅភាគខាងកើត របស់ប្រទេស និងភ្លើងឆេះព្រៃនៅភាគខាងលិច ។

ការិយាល័យឧតុនិយម ហៅកាត់ថា (BoM) បានព្យាករណ៍ថា នឹងមានភ្លៀង ធ្លាក់បន្ថែមទៀត និងព្យុះផ្គររន្ទះខ្លាំង ដែលអាចកើតមាននៅទូទាំងភាគ អាគ្នេយ៍នៃរដ្ឋ Queensland នៅថ្ងៃព្រហស្បតិ៍នេះ រួមទាំងរដ្ឋធានីរបស់រដ្ឋ Brisbane និង Gold Coast ដោយបន្ថែមទៅលើភ្លៀង ធ្លាក់កាលពីថ្ងៃមុន ដែលគ្រាប់ភ្លៀងធ្លាក់មានទំហំ រហូតដល់៧០មីលីម៉ែត្រ ។

គ្រោះទឹកជំនន់បានបណ្តាល ឲ្យមនុស្សស្លាប់ជាលើកទី៣ទាក់ទងនឹងគ្រោះទឹកជំនន់ ក្នុងរយៈពេល១ខែ បន្ទាប់ពីរថយន្ត របស់ស្ត្រីនៅទីក្រុង Brisbane ត្រូវបានទឹកនាំយកទៅជាមួយចេញពីផ្លូវ កាលពីរសៀលថ្ងៃពុធ ។

មន្ត្រីប៉ូលិសម្នាក់បានប្រាប់ទូរទស្សន៍ជាតិ ABC ថា “ដោយសារតែទឹកឡើងយ៉ាងលឿន និងល្បឿនដែលទឹកកំពុងហូរ វាត្រូវចំណាយពេលជាច្រើន ម៉ោងដើម្បីស្វែងរករថយន្តនោះ” ។

រដ្ឋ New South Wales (NSW) ដែលនៅជិតខាងក៏កំពុងទប់ទល់ នឹងស្ថានភាពចលាចលបន្ថែមទៀត ជាមួយនឹងការព្យាករណ៍ថា នឹងមានភ្លៀងធ្លាក់រហូតដល់២០០មីលីម៉ែត្រនៅភាគអាគ្នេយ៍ របស់រដ្ឋនៅចុងសប្តាហ៍នេះ ។

ទន្ទឹមនឹងនេះដែរ នៅផ្នែកម្ខាងទៀតនៃប្រទេសនេះ ក្រុមអ្នកពន្លត់អគ្គីភ័យ អូស្ត្រាលីខាងលិច (WA) និងអ្នកដោះគ្រាប់បែកក្នុងទឹក បានកំពុងប្រយុទ្ធនឹង ភ្លើងឆេះព្រៃនៅភាគនិរតីនៃរដ្ឋ ដែលបង្កឡើង ដោយរលកកម្តៅមិនធ្លាប់មាន ដែលបំបែកឯតទគ្គកម្មបាន ។

កន្លែងបោះជំរុំ ហាងស្រា និងកន្លែងទេស ចរណ៍ជាច្រើនត្រូវបានជម្លៀសនៅជិតទន្លេ Margaret ខណៈដែលភ្លើងឆេះយ៉ាងសន្ធោសន្ធៅ បានឆាបឆេះកាលពីថ្ងៃពុធ ។

នេះជាលើកទី២ហើយនៅក្នុងរយៈពេល៩០ឆ្នាំ ដែលរដ្ឋធានី WA នៃទីក្រុង Perth មានអាកាសធាតុក្ដៅ តាមរយៈសីតុណ្ហភាពលើសពី៣០ អង្សាសេរយៈពេល៧ថ្ងៃជាប់ៗគ្នាដូច្នេះនៅដើម រដូវក្តៅនេះ ៕
ប្រែសម្រួលដោយ៖ ម៉ៅ បុប្ផាមករា

To Top