ព័ត៌មានអន្តរជាតិ

សិង្ហបុរី រកឃើញ អ្នកឆ្លងវីរុសកូវីដ-១៩បំប្លែងខ្លួនថ្មី Omicron ៥៣នាក់ក្នុងចំណោម៦៥នាក់ ជាអ្នកនាំចូលពីខាងក្រៅ

សិង្ហបុរី ៖ ទូរទស្សន៍សិង្ហបុរី Channel News Asia (CNA)បានផ្សព្វផ្សាយព័ត៌មានឲ្យដឹងនៅថ្ងៃទី២៣ ខែធ្នូ ឆ្នាំ២០២១ថា ក្រសួងសុខាភិបាល ហៅកាត់ (MOH) បានឲ្យដឹង នៅថ្ងៃព្រហស្បតិ៍នេះថា ៥៣ករណីក្នុងចំណោម៦៥ករណី ដែលបាននាំចូល ឆ្លងវីរុសបំប្លែងខ្លួនថ្មី Omicron បានមកដល់ប្រទេសសិង្ហបុរី តាមរយៈផ្លូវធ្វើដំណើរ សម្រាប់អ្នកដែលបានចាក់វ៉ាក់សាំង ។

ក្នុងចំណោម៥៣ករណីនេះ ដែលបានចូលតាមរយៈការឆ្លងកាត់ចំនួន៤១នាក់ ត្រូវបានរកឃើញនៅ ពេលមកដល់ប្រទេសសិង្ហបុរី តាមរយៈការធ្វើតេស្តប្រតិកម្មខ្សែសង្វាក់ ហៅកាត់ (PCR) ។

ក្រសួងសុខាភិបាល បានឲ្យដឹងនៅក្នុងការឆ្លើយតប ទៅនឹងសំណួរ របស់ទូរទស្សន៍ CNA ថា ការឆ្លងចំនួន១២ករណី ដែលនៅសល់ត្រូវបានរកឃើញជាបន្តបន្ទាប់តាមរយៈរបបធ្វើតេស្ត សម្រាប់អ្នកធ្វើដំណើរ ។

ផ្ទាំងពាណិជ្ជកម្ម

ក្រសួងសុខាភិបាល បានឲ្យដឹងទៀតថា ជាង៩០ភាគរយនៃករណី Omicron ដែលចូលមក តាមរយៈការត្រួតពិនិត្យ លើការចាក់វ៉ាក់សាំង គឺត្រូវបានបញ្ជូនត្រឡប់ពីសិង្ហបុរី អ្នករស់នៅអចិន្ត្រៃយ៍ និងអ្នករស់នៅរយៈពេលអង្វែង ។

សិង្ហបុរីមាន ប្រព័ន្ធត្រួតពិនិត្យលើការចាក់វ៉ាក់សាំង ដែលមានប្រទេស និងតំបន់ជាង២០ រួមទាំងអូស្ត្រាលី អាល្លឺម៉ង់ ឥណ្ឌូនេស៊ី អ៊ីតាលី ម៉ាឡេស៊ី កូរ៉េខាងត្បូង ថៃឡង់ដ៏ ចក្រភពអង់គ្លេស និងសហរដ្ឋអាមេរិក ៕

To Top