ព័ត៌មានអន្តរជាតិ

កោះតៃវ៉ាន់ ផ្អាកហ្វឹកហ្វឺនយន្តហោះ​ ប្រតិកម្ម F-16 បន្ទាប់ពីមានករណី ធ្លាក់យន្តហោះចម្បំាង

តៃប៉ិ ៖ ទូរទស្សន៍សិង្ហបុរី Channel News Asia បានផ្សព្វផ្សាយ នៅថ្ងៃទី១២ ខែមករា ឆ្នាំ២០២២ថា កងទ័ពអាកាសរបស់កោះតៃវ៉ាន់ កាលពីថ្ងៃអង្គារបានផ្អាកការហ្វឹកហ្វឺន ការប្រយុទ្ធ សម្រាប់យន្តហោះ F-16 របស់ខ្លួន បន្ទាប់ពីយន្តហោះចម្បាំង ដែលបានកែលម្អថ្មីៗ បានធ្លាក់ចូលទៅក្នុងសមុទ្រ ក្នុងឧបទ្ទវហេតុ ចុងក្រោយបង្អស់ ។

ក្រសួងការពារជាតិ បានឲ្យដឹងថា យន្តហោះ F-16V ដែលជាប្រភេទទំនើបបំផុត នៅក្នុងកងនាវា របស់កោះតៃវ៉ាន់បានបាត់ពីអេក្រង់រ៉ាដា បន្ទាប់ពីហោះចេញ ពីមូលដ្ឋានអាកាស Chiayi នៅភាគខាងត្បូងកោះតៃវ៉ាន់ សម្រាប់បេសកកម្មហ្វឹកហ្វឺន លើជួរបាញ់តាមឆ្នេរសមុទ្រ ។

អ្នកនាំពាក្យបានលើកឡើងថា លោកស្រីប្រធានាធិបតី Tsai Ing-wen បានចេញសេចក្តីណែនាំ ដើម្បីកុំឱ្យមានការខិតខំប្រឹងប្រែង ក្នុងបេសកកម្មស្វែងរក និងជួយសង្គ្រោះ និង “ដើម្បីបញ្ជាក់បន្ថែមអំពីមូល ហេតុនៃគ្រោះថ្នាក់នេះ” ។

ផ្ទាំងពាណិជ្ជកម្ម

មជ្ឈមណ្ឌលបញ្ជាការសង្គ្រោះ របស់រដ្ឋាភិបាលបានឲ្យដឹងថា សាក្សីបានឃើញយន្តហោះធ្លាក់ចូលទៅក្នុងសមុទ្រ ហើយឧទ្ធម្ភាគចក្រ និងកប៉ាល់កំពុងស្វែងរកអ្នកបើកបរ ។

លោក Liu Hui-chien អគ្គអធិការ នៃកងទ័ពអាកាសបានលើកឡើងថា យន្តហោះទើបតែត្រូវបានដំឡើង កំណែថ្មីទៅជា ប្រភេទ “V” ជាមួយនឹងប្រព័ន្ធសព្វាវុធថ្មី និងប្រព័ន្ធអាកាសចរណ៍ ។

លោកបានឲ្យដឹងទៀតថា ការហ្វឹកហាត់ប្រយុទ្ធសម្រាប់កងនាវា F-16 ឥឡូវនេះត្រូវបានផ្អាកជាបណ្តោះអាសន្នសិន ៕
ប្រែសម្រួលដោយ៖ ម៉ៅ បុប្ផាមករា

To Top