បរទេស៖ នាយករដ្ឋមន្រ្តីថៃ លោក ឧត្តមសេនីយ៍ ប្រាយុទ្ធ ចាន់អូចា បានបញ្ជាឱ្យធ្វើរបងជុំវិញ វិមានរដ្ឋាភិបាលឱ្យខ្ពស់ជាងនេះ។
យោងតាមសារព័ត៌មាន Bangkok Post ចេញផ្សាយនៅថ្ងៃទី១៣ ខែមករា ឆ្នាំ២០២២ បានឱ្យដឹងថា របងនៅជុំវិញវិមានរដ្ឋាភិបាល នៅពេលនេះ គឺមានកម្ពស់ប្រហែល ២ម៉ែត្រប៉ុណ្ណោះ ដោយសារការលើកឡើងម្តង ហើយម្តងទៀតនៃសាច់ផ្លូវ ដែលនៅជាប់គ្នាកាលពីឆ្នាំមុន។
ប្រភពព័ត៌មានមួយបាននិយាយថា នាយករដ្ឋមន្ត្រីឧត្តមសេនីយ៍ ប្រាយុទ្ធ ចាន់អូចា បានណែនាំឱ្យធ្វើនៅកម្ពស់ពី ៣ ទៅ ៤ ម៉ែត្រ។ មន្ត្រីមន្ទីរសាធារណការ និងផែនការក្រុង បានចាប់ផ្តើមរៀបចំការងារ ដោយចុះអង្កេត របងបច្ចុប្បន្ន ។ ពួកគេត្រូវបាន គេប្រាប់ឱ្យធានាថា ទិដ្ឋភាពនៃវិមានរដ្ឋាភិបាល មិនត្រូវបានរារាំង ដោយការដំឡើង របងនេះឡើយ ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
