ព័ត៌មានអន្តរជាតិ

អាមេរិក ដាក់ទាហាន ឲ្យប្រុងប្រយ័ត្នខ្ពស់ ជុំវិញភាពតានតឹង នៅព្រំដែន អ៊ុយក្រែន

វ៉ាស៊ីនតោន​៖ ក្រសួងការពារជាតិអាមេរិក បានប្រកាសថា ទាហានអាមេរិកប្រមាណ ៨,៥០០ នាក់ ត្រូវបានដាក់ឱ្យមានការ ប្រុងប្រយ័ត្នខ្ពស់ សម្រាប់ការដាក់ពង្រាយ​ ដែលអាចកើតមាន ដោយសារភាពតានតឹង កើនឡើងនៅតាមព្រំដែនរុស្ស៊ី និងអ៊ុយក្រែន ប៉ុន្តែមិនមានការ សម្រេចចិត្តលើការ ដាក់ពង្រាយជាផ្លូវការនោះទេ។

លោក John Kirby អ្នកនាំពាក្យក្រសួងការពារជាតិ បានឲ្យដឹងនៅក្នុងសន្និសីទសារព័ត៌មានថា ការដាក់កងកម្លាំងអាមេរិកឱ្យមានការប្រុងប្រយ័ត្នខ្ពស់ គឺដើម្បីធានាថា សហរដ្ឋអាមេរិក នឹងត្រៀមខ្លួនជាស្រេច ដើម្បីឆ្លើយ តបទៅនឹង ការសម្រេចចិត្ត ដែលអាចធ្វើទៅបានដោយ អង្គការសន្ធិសញ្ញាអាត្លង់ទិក ខាងជើង (NATO) ក្នុងការដាក់ពង្រាយកម្លាំង ៤០០០០នាក់ ឆ្លើយតបពហុជាតិដ៏រឹងមាំ ដែលត្រូវបានគេស្គាល់ថា NRF ដែលអាចត្រូវបានឯកភាព នៅលើការជូនដំណឹងរយៈពេលខ្លី ។

លោក Kirby បាន លើកឡើងថា “នេះគឺពិតជាអំពីការធានាឡើងវិញ នូវផ្នែកខាងកើតនៃអង្គការណាតូ” ដោយបន្ថែមបទបញ្ជា ដែលចេញមកពី រដ្ឋមន្ត្រីការពារជាតិ លោក Lloyd Austin តាមការណែនាំ របស់ប្រធានាធិបតីលោក ចូ បៃដិន គឺអំពី ” ការបង្ហាញពីភាពធ្ងន់ធ្ងរ ដែលសហរដ្ឋអាមេរិក យកចិត្តទុកដាក់ ចំពោះការប្តេជ្ញាចិត្តរបស់យើង ចំពោះអង្គការណាតូ និងការប្តេជ្ញាចិត្តការពារ រួមរបស់សម្ព័ន្ធភាព”។

ផ្ទាំងពាណិជ្ជកម្ម

អ្នកនាំពាក្យរូបនេះ បានបន្ដថា “ប្រាប់ហើយថា ចំនួនកងកម្លាំង ដែលលេខាធិការដ្ឋាន បានដាក់ឱ្យមាន ការប្រុងប្រយ័ត្ន បានកើនឡើង ដល់បុគ្គលិក ប្រហែល ៨”៥០០ នាក់ ” នេះបើយោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។

លោក Kirby បានសង្កត់ធ្ងន់ថា គ្មានការសម្រេចចិត្តណាមួយ ត្រូវបានធ្វើឡើងលើការដាក់ពង្រាយ កងកម្លាំងសហរដ្ឋអាមេរិកនោះទេ ហើយថា ទាហានដែលមានការ ប្រុងប្រយ័ត្នខ្ពស់រួមមាន “ក្រុមប្រយុទ្ធកងពលតូចបន្ថែម បុគ្គលិកដឹកជញ្ជូន ជំនួយផ្នែកវេជ្ជសាស្រ្ត ជំនួយផ្នែកអាកាសចរណ៍ ស៊ើបការណ៍សម្ងាត់ ការឃ្លាំមើល និងការឈ្លបយកការណ៍”៕
ដោយ ឈូក បូរ៉ា

To Top