បរទេស ៖ លោក Jim Watson អភិបាលក្រុង Ottawa បានប្រកាសដាក់ប្រទេស ក្នុងភាពអាសន្ន ដោយលើកឡើងពី “គ្រោះថ្នាក់ធ្ងន់ធ្ងរ និងការគំរាមកំហែង ដល់សុវត្ថិភាព និងសុវត្ថិភាពរបស់អ្នកស្រុក” ខណៈដែលអ្នកបើក រថយន្ត Freedom Convoy និងអ្នកគាំទ្រថ្មើរជើង របស់ពួកគេបន្តកាន់កាប់រដ្ឋធានីនេះ ដើម្បីតវ៉ាប្រឆាំង នឹងការរឹតបន្តឹងច្បាប់កូវីដ១៩ ។ ការដាក់នេះកើតឡើងបន្ទាប់ពីលោក Watson បង្ហាញការសោកស្ដាយកាល ពីថ្ងៃអាទិត្យថា ប៉ូលីសមានចំនួនច្រើន ជាងក្រុមបាតុករ ហើយបានបង្ហាញថា លោកចង់ឱ្យរដ្ឋាភិបាល សហព័ន្ធជួយកម្ចាត់ការតវ៉ា ។
យោងតាមសារព័ត៌មាន RT ចេញផ្សាយកាលពីថ្ងៃទី៦ ខែកុម្ភៈ ឆ្នាំ២០២២ បានឱ្យដឹងថា លោក Watson បានប្រាប់វិទ្យុ Newstalk ថា “ស្ថានការណ៍នៅចំណុចនេះ គឺមិនអាចគ្រប់គ្រងបានទាំងស្រុង ។ ពួកគេមានមនុស្សច្រើន ជាងយើងមានប៉ូលីស ហើយខ្ញុំបានប្រាប់ទៅប្រធានថា យើងត្រូវតែមានភាពរហ័សរហួន និងសកម្មជាងនេះ នៅពេលនិយាយអំពីសកម្មភាពទាំងនេះ ។
ការប្រកាសភាពអាសន្នឆ្លុះបញ្ចាំងពីគ្រោះថ្នាក់ និងការគំរាមកំហែង យ៉ាងធ្ងន់ធ្ងរដល់សុវត្ថិភាព និងសន្តិសុខរបស់អ្នកស្រុក ដែលបង្កឡើងដោយបាតុកម្ម ដែលកំពុងបន្ត ហើយបង្ហាញពីតម្រូវការសម្រាប់ការគាំទ្រ ពីយុត្តាធិការ និងកម្រិតរបស់រដ្ឋាភិបាលផ្សេងទៀត ៕
ប្រែសម្រួលៈ ណៃ តុលា
