វ៉ាស៊ីនតោន៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៤ ខែមេសា ឆ្នាំ២០២២ថា កាលពីថ្ងៃអាទិត្យ លោក Antonio Guterres អគ្គលេខាធិការអង្គការសហប្រជាជាតិ ថ្លែងថា លោកមានការភ្ញាក់ផ្អើលជាខ្លាំង ចំពោះរូបភាពនៃជនស៊ីវិល ដែលបានស្លាប់នៅក្នុងទីក្រុង Bucha របស់អ៊ុយក្រែន ហើយលោកបានអំពាវនាវ ឱ្យមានការស៊ើបអង្កេតឯករាជ្យមួយ ដែលនាំទៅដល់ការទទួលខុសត្រូវ ប្រកបដោយប្រសិទ្ធភាព ។
លោក Guterres បានបង្ហោះការអត្ថាធិប្បាយរបស់គាត់ នៅលើបណ្តាញសង្គម Twitter នៅមួយថ្ងៃ បន្ទាប់ពីសាក្សី និងមន្ត្រីបានលើកឡើងថា ទាហានរុស្ស៊ី បានសម្លាប់ជនស៊ីវិល ជិត៣០០នាក់ ខណៈដែលពួកគេបានដកខ្លួនចេញ ពីទីក្រុងក្បែរទីក្រុង គៀវ ។
លោក Guterres បានលើកឡើងដោយចូលរួម ជាមួយមន្ត្រីលោកខាងលិច ក្នុងការសម្តែងការខឹងសម្បារថា “ខ្ញុំមានការតក់ស្លុតជាខ្លាំង ចំពោះរូបភាពជនស៊ីវិលដែលបានសម្លាប់ Fantin Bucha ប្រទេសអ៊ុយក្រែន។
លោកបានបន្តថា “វាជាការចាំបាច់ដែលការស៊ើបអង្កេតឯករាជ្យ នាំឱ្យមានគណនេយ្យភាព ប្រកបដោយប្រសិទ្ធភាព” ។
ក្រសួងការពារជាតិរុស្ស៊ី បានបដិសេធថា កងកម្លាំងរុស្ស៊ី បានសម្លាប់ជនស៊ីវិលនៅទីក្រុង Bucha ដោយលើកឡើងថា វីដេអូ និងរូបថតសាកសព គឺជា “ការបង្កហេតុមួយទៀត” ដោយរដ្ឋាភិបាលអ៊ុយក្រែន តែប៉ុណ្ណោះ ៕ ប្រែសម្រួលដោយ៖ម៉ៅ បុប្ផាមករា
