វ៉ាស៊ីនតោន៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៥ ខែមេសា ឆ្នាំ២០២២ថា កាលពីថ្ងៃចន្ទ លោក ចូ បៃដិនប្រធានាធិបតីសហរដ្ឋអាមេរិក បានចោទប្រកាន់ប្រធានាធិបតីរុស្ស៊ី លោក ប្លាឌីមៀ ពូទីន ពីបទឧក្រិដ្ឋកម្មសង្រ្គាម និងបានអំពាវនាវឱ្យមានការកាត់ទោស ដោយបន្ថែមការតវ៉ាជាសកល ជុំវិញការសម្លាប់ជនស៊ីវិលនៅក្នុងទីក្រុង Bucha របស់អ៊ុយក្រែន ខណៈដែលរូបភាពក្រាហ្វិកកាន់តែច្រើននៃការស្លាប់របស់ពួកគេបានលេចចេញមកនោះ ។
លោក បៃដិន បានប្រាប់ដល់អ្នកយកព័ត៌មាន បន្ទាប់ពីចុះចតនៅទីក្រុងវ៉ាស៊ីនតោន ពី Delaware ជាកន្លែងដែលគាត់បានចំណាយពេលចុងសប្តាហ៍ថា “អ្នកបានឃើញអ្វីដែលបានកើតឡើងនៅក្រុង Bucha” ។ “នេះបញ្ជាក់ថាគាត់ គាត់គឺជាឧក្រិដ្ឋជនសង្គ្រាម” ។
ការរកឃើញផ្នូរដ៏ធំមួយ និងសាកសពដែលត្រូវបានគេចងបានបាញ់នៅក្នុងចម្ងាយជិតក្នុងក្រុង Bucha ខាងក្រៅទីក្រុង គៀវ ជាទីប្រជុំជនមួយដែលកងកម្លាំងអ៊ុយក្រែនដណ្តើមបានមកវិញពីទាហានរុស្ស៊ី មើលទៅនឹងធ្វើឱ្យសហរដ្ឋអាមេរិក និងអឺរ៉ុបដាក់ទណ្ឌកម្មបន្ថែមប្រឆាំងនឹងក្រុងម៉ូស្គូ ។
លោក បៃដិន បានថ្លែងថា “យើងត្រូវតែប្រមូលព័ត៌មាន។ យើងត្រូវបន្តផ្តល់អាវុធដល់អ៊ុយក្រែន ដែលពួកគេត្រូវការ ដើម្បីបន្តការប្រយុទ្ធ។ ហើយយើងត្រូវតែទទួលបានព័ត៌មានលម្អិតទាំងអស់ ដូច្នេះវាអាចជាការពិត មានការកាត់ទោសឧក្រិដ្ឋកម្មសង្រ្គាម” ។
ជុំវិញបញ្ហានេះ វិមានក្រឹមឡាំង បានបដិសេធយ៉ាងដាច់អហង្ការចំពោះការចោទប្រកាន់ណាមួយដែលទាក់ទងនឹងការសម្លាប់ជនស៊ីវិល រួមទាំងនៅទីក្រុង Bucha ជាកន្លែងដែលរដ្ឋាភិបាលម៉ូស្គូ បានលើកឡើងថា ជាផ្នូរ និងសាកសពត្រូវបានរៀបចំឡើងដោយអ៊ុយក្រែនដើម្បីបង្ខូចកេរ្តិ៍ឈ្មោះរុស្ស៊ី តែប៉ុណ្ណោះ ។
ទីប្រឹក្សាសន្តិសុខជាតិរបស់លោក បៃដិន លោក Jake Sullivan បានប្រាប់ដល់អ្នកយកព័ត៌មានថា សហរដ្ឋអាមេរិកនឹងស្វែងរកព័ត៌មានពីប្រភពចំនួន៤ ដើម្បីកសាងសំណុំរឿងសម្រាប់ឧក្រិដ្ឋកម្មសង្គ្រាម ហើយសហរដ្ឋអាមេរិក និងសម្ព័ន្ធមិត្តរបស់ខ្លួន រួមទាំងសេវាស៊ើបការណ៍សម្ងាត់ ។ ការសង្កេតរបស់អ៊ុយក្រែននៅលើដី អង្គការអន្តរជាតិរួមទាំងអង្គការសហប្រជាជាតិ និងបទសម្ភាសន៍ពីប្រព័ន្ធផ្សព្វផ្សាយឯករាជ្យសកល ។
លោកបានបញ្ជាក់ថា សហរដ្ឋអាមេរិក នឹងកសាងសំណុំរឿងនៅតុលាការឧក្រិដ្ឋកម្មអន្តរជាតិ (ICC)ឬកន្លែងផ្សេងទៀត។ សហរដ្ឋអាមេរិក មិនមែនជាភាគីរបស់ ICC នោះទេ ៕
