បរទេស ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានជួបជាមួយអគ្គលេខាធិការ អង្គការសហប្រជាជាតិ លោក Antonio Guterres នៅវិមានក្រឹមឡាំង កាលពីថ្ងៃអង្គារ សម្រាប់កិច្ចពិភាក្សាជុំវិញ វិបត្តិអ៊ុយក្រែន ។ អ្នកទាំងពីរបានពិភាក្សាគ្នា អំពីស្ថានការណ៍ ដែលបានកើតឡើង ដោយលោកពូទីន បានពន្យល់ប្រាប់ប្រធានអង្គការ សហប្រជាជាតិ អំពីហេតុផល របស់រុស្ស៊ីចាប់ផ្តើមប្រតិបត្តិការ យោធាប្រឆាំងនឹងប្រទេសជិត ខាងកាលពីចុងខែកុម្ភៈ។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែមេសា ឆ្នាំ២០២២ បានឱ្យដឹងថា លោកពូទីនបានប្រាប់លោក Guterres ថា ការផ្លាស់ប្តូររបស់ទីក្រុងមូស្គូ ក្នុងការទទួលស្គាល់ការបំបែកខ្លួន របស់សាធារណរដ្ឋ Donetsk និង Lugansk គឺផ្អែកលើគំរូនៅកូសូវ៉ូ ដែលបង្កើតឡើងដោយតុលាការ ដែលគាំទ្រដោយអង្គការ សហប្រជាជាតិ ។ លោកបានពន្យល់ថា សាធារណរដ្ឋទាំង២ បានលេចឡើងបន្ទាប់ពីប្រជាជន ដែលរស់នៅក្នុងភាគខាងកើត នៃប្រទេសអ៊ុយក្រែនបានច្រានចោលលំហរឆ្នាំ 2014 Maidan ដែលគាំទ្រ ដោយលោកខាងលិច។
លោក ពូទីន បានបន្ថែមថា រដ្ឋាភិបាលក្រុងគៀវ ក្រោយរដ្ឋប្រហារបានជ្រើសរើស ដំណោះស្រាយយោធា ដែលនាំទៅដល់ការប្រឈមមុខ ដាក់គ្នារយៈពេលប្រាំបីឆ្នាំនៅ Donbass ៕
ប្រែសម្រួលៈ ណៃ តុលា
