ព័ត៌មានអន្តរជាតិ

Update: សម្តេចសង្ឃ Pope ប្រកាសជាផ្លូវការ ចង់ជួប ប្រធានាធិបតី ពូទីន

Update: សម្តេច Pope Francis បាននិយាយនៅក្នុងបទសម្ភាសន៍មួយ ដែលបានចេញផ្សាយ កាលពីថ្ងៃអង្គារថា ព្រះអង្គ បានស្នើសុំឱ្យមានកិច្ចប្រជុំ នៅទីក្រុងមូស្គូ ជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន ដើម្បីព្យាយាមបញ្ឈប់សង្រ្គាម នៅអ៊ុយក្រែន ប៉ុន្តែមិនបានទទួលការឆ្លើយតបទេ។

សម្តេចប៉ាប ក៏បានប្រាប់កាសែត Corriere Della Sera របស់ប្រទេសអ៊ីតាលីថា អយ្យកោ Kirill នៃវិហារគ្រិស្តអូស្សូដក់ របស់រុស្ស៊ី ដែលបានផ្តល់ឱ្យសង្រ្គាមនូវការគាំទ្រ យ៉ាងពេញទំហឹងរបស់គាត់ “មិនអាចក្លាយជាក្មេងប្រុស ចាំតែហៃអើ របស់ពូទីន បានទេ” ។

សម្តេចសង្ឃ Francis ដែលបានធ្វើទស្សនកិច្ច ដែលមិនធ្លាប់មានពីមុនមក នៅស្ថានទូតរុស្ស៊ី នៅពេលសង្រ្គាម បានចាប់ផ្តើម បានមានបន្ទូលប្រាប់កាសែតថា ប្រហែលបីសប្តាហ៍នៅក្នុងជម្លោះ ព្រះអង្គ បានសុំឱ្យអ្នកការទូតកំពូលរបស់បុរីវ៉ាទីកង់ ផ្ញើសារទៅលោកពូទីន។

សារនោះ បានចុតហ្មាយថា “ថាខ្ញុំសុខចិត្តទៅទីក្រុងមូស្គូ។ ប្រាកដណាស់ វាចាំបាច់ សម្រាប់មេដឹកនាំវិមានក្រឹមឡាំង ដើម្បីអនុញ្ញាតឱ្យបើកផ្លូវ។ យើងមិនទាន់ទទួលបានការឆ្លើយតបទេ ហើយយើង នៅតែទទូច” ។

ផ្ទាំងពាណិជ្ជកម្ម

លោកបានបន្ថែមថា “ខ្ញុំខ្លាចថា ពូទីន មិនអាច ហើយមិនចង់ឱ្យមានការប្រជុំនៅពេលនេះ។ ប៉ុន្តែតើធ្វើដូចម្តេចដើម្បីកុំឱ្យអ្នកបញ្ឈប់អំពើឃោរឃៅបែបនេះ?”

មុនពេលសម្ភាសន៍ លោក Francis ដែលមានអាយុ ៨៥ ឆ្នាំ មិនបាននិយាយជាក់លាក់អំពីរុស្ស៊ី ឬលោកពូទីន ជាសាធារណៈទេ ចាប់តាំងពីការចាប់ផ្តើមនៃជម្លោះ នៅថ្ងៃទី ២៤ ខែកុម្ភៈ។ ប៉ុន្តែគាត់បានបន្សល់ទុកនូវមន្ទិលសង្ស័យតិចតួច ដែលព្រះអង្គ បានរិះគន់ ដោយប្រើពាក្យដូចជា ការឈ្លានពាន និងការឈ្លានពាន ដែលមិនសមហេតុផល និងការសោកស្ដាយនូវអំពើឃោរឃៅ។ ប្រឆាំងនឹងជនស៊ីវិល។

ប្រែសម្រួលដោយ៖ សយ​សុភា

To Top