ព័ត៌មានអន្តរជាតិ

សមាជិកណាតូមួយទៀត ចង់រារាំងបេក្ខភាពថ្មី របស់ហ្វាំងឡង់ និងស៊ុយអែត

បរទេស៖ ប្រធានាធិបតីនៃប្រទេសក្រូអាត លោក Zoran Milanovic បានប្រកាសអំពីផែនការរបស់លោក ទៅកាន់រដ្ឋទូតតំណាង នៅអង្គការណាតូ លោក Mario Nobilo ហើយថា ត្រូវរារាំងសមាជិកភាព របស់ហ្វាំងឡង់ និងស៊ុយអែត ដែលកំពុងស្នើសុំចូល ជាសមាជិកអង្គការណាតូនោះ។

រំលឹកដែរថាកាលពីថ្ងៃទី១៥ ខែឧសភាកន្លងមករដ្ឋាភិបាល ទីក្រុង Stockholm និងរដ្ឋាភិបាលទីក្រុង Helsinki បានប្រកាសជាប្រវត្តិសាស្ត្រ ដែលធ្លាប់តែជាប្រទេសអព្យាក្រិត ដើម្បីស្នើសុំអង្គការណាតូ ចូលជាសមាជិកថ្មី ប៉ុន្តែប្រទេសទាំងពីរ ទាមទារចាំបាច់មានការគាំទ្រ ពីបណ្តាសមាជិកគ្រប់ប្រទេសទាំងអស់ ជាមុនសិន។

ជាលទ្ធផលប្រទេសតួកគី បានចេញមុខបដិសេធសំណើរនេះមុនគេ ដោយបានលើកឡើង នូវលក្ខខណ្ឌមួយចំនួនជាថ្នូរ នឹងការគាំទ្រ នេះដូចជាការដកទណ្ឌកម្ម ប្រឆាំងនឹងតួកគី ពាក់ព័ន្ធនឹងការបញ្ជាទិញប្រព័ន្ធការពារ S-400 និងក៏ដូចជាការអនុញ្ញាតិ ឲ្យតួកគីចូលរួម ក្នុងកម្មវិធីទិញយន្តហោះចម្បាំង អាមេរិក F-35ផង៕ ប្រែសម្រួល៖ស៊ុនលី

To Top