តូក្យូ៖ រដ្ឋមន្ត្រីការពារជាតិជប៉ុន លោក Nobuo Kishi បានឲ្យដឹងនៅថ្ងៃសុក្រនេះថា ប្រទេសកូរ៉េខាងជើង អាចបាញ់សាកល្បងកាំជ្រួចផ្លោងអន្តរទ្វីប ក្នុងរយៈពេលប៉ុន្មានថ្ងៃខាងមុខនេះ។
លោកបានប្រាប់អ្នកសារព័ត៌មានថា មានលទ្ធភាពដែលកូរ៉េខាងជើង ចាត់វិធានការបង្កហេតុបន្ថែមទៀត រួមទាំងលទ្ធភាពនៃការបាញ់មីស៊ីល រយៈចម្ងាយឆ្ងាយបែបនេះ។
ប្រទេសជប៉ុន កូរ៉េខាងត្បូង និងសហរដ្ឋអាមេរិក មានការព្រួយបារម្ភថា កូរ៉េខាងជើង អាចនឹងធ្វើការសាកល្បងនុយក្លេអ៊ែរ ឬមីស៊ីល ក្នុងអំឡុងពេលដំណើរទស្សនកិច្ច របស់លោកប្រធានាធិបតីសហរដ្ឋអាមេរិក ចូ បៃដិន ទៅកាន់ទីក្រុងសេអ៊ូល និងតូក្យូនៅចុងសប្តាហ៍នេះ ៕
ប្រែសម្រួល ឈូក បូរ៉ា
