អ៊ីស្ដង់ប៊ុល៖ ប្រធានាធិបតីតួកគីលោក Recep Tayyip Erdogan បានជជែកជាមួយមេដឹកនាំ នៃប្រទេសស៊ុយអែត និងហ្វាំងឡង់ កាលពីថ្ងៃសៅរ៍ដោយជំរុញឱ្យ រដ្ឋបេក្ខជននៃអង្គការណាតូទាំងពីរ ដោះស្រាយកង្វល់សន្តិសុខ របស់ប្រទេសតួកគី។
ការិយាល័យប្រធានាធិបតីតួកគី បានឲ្យដឹងនៅក្នុងសេចក្តីថ្លែងការណ៍មួយថា លោក Erdogan បានប្រាប់នាយករដ្ឋមន្ត្រីស៊ុយអែតលោកស្រី Magdalena Andersson នៅក្នុងកិច្ចពិភាក្សាតាមទូរស័ព្ទថា ប្រទេស Nordic គួរតែបញ្ចប់ការគាំទ្រផ្នែកនយោបាយ ហិរញ្ញវត្ថុ និងអាវុធដល់ “អង្គការភេរវកម្ម” ។
លោក Erdogan បានកត់សម្គាល់ថា ប្រទេសតួកគីរំពឹងថា ប្រទេសស៊ុយអែត នឹងចាត់វិធានការជាក់ស្តែង ដើម្បីដោះស្រាយកង្វល់របស់ខ្លួន អំពីគណបក្សពលករឃឺដ ដែលមិនស្របច្បាប់ និងការពង្រីករបស់ខ្លួននៅក្នុងប្រទេសស៊ីរី និងអ៊ីរ៉ាក់។
លោកក៏បានជំរុញប្រទេសស៊ុយអែត ឱ្យដកការហ៊ុមព័ទ្ធការនាំចេញអាវុធ ដែលដាក់លើប្រទេសតួកគី បន្ទាប់ពីប្រទេសនេះបានចាប់ផ្តើម ប្រតិបត្តិការយោធាឆ្លងព្រំដែន នៅក្នុងប្រទេសស៊ីរីក្នុងឆ្នាំ២០១៩ ។
នៅក្នុងការអំពាវនាវដាច់ដោយឡែក មួយជាមួយប្រធានាធិបតីហ្វាំងឡង់ Sauli Niinisto លោក Erdogan បានលើកឡើងថា ការមិនអើពើនឹងការគំរាមកំហែងភេរវកម្ម ដែលសម្ព័ន្ធមិត្តណាតូប្រឈមមុខ គឺមិនស៊ីគ្នានឹងស្មារតីនៃមិត្តភាព និងសម្ព័ន្ធភាពឡើយ ៕
ប្រែសម្រួល ឈូក បូរ៉ា
