អាហ្វហ្គានីស្ថាន៖ មន្ត្រីខេត្តម្នាក់បានឲ្យដឹងថា ចំនួនអ្នកស្លាប់ដោយសារគ្រោះរញ្ជួយដី ដែលបានវាយប្រហារភាគខាងកើត ប្រទេសអាហ្វហ្គានីស្ថានកាលពីព្រឹកថ្ងៃពុធ បានកើនឡើងដល់ជាង ១០០០ នាក់ ខណៈមនុស្សជាង ១៥០០នាក់បានរងរបួស ដោយបន្ថែមចំនួនអ្នកស្លាប់ និងរបួសអាចនឹងកើនឡើងបន្ថែមទៀត។
លោក Mohammad Amin Haddifa ប្រធាននាយកដ្ឋានព័ត៌មាន និងវប្បធម៌ខេត្តបានឲ្យដឹងថា “មនុស្សជាង ១០០០នាក់បានស្លាប់ និង ១៥០០នាក់ បានរងរបួសជាលទ្ធផលនៃការរញ្ជួយដី និងការរអិលបាក់ដីជាបន្តបន្ទាប់ នៅក្នុងស្រុកចំនួនពីរ គឺ Gayan និង Barmal នៃខេត្ដ Paktika” ។
នៅក្នុងខេត្ត Khost ដែលនៅជិតខាង មនុស្សយ៉ាងហោចណាស់ ២៥នាក់បានស្លាប់ និង ១០០នាក់ផ្សេងទៀត បានរងរបួស បន្ទាប់ពីផ្ទះ វិហារអ៊ីស្លាម និងហាងជាង ៦០០កន្លែង ត្រូវបានបំផ្លាញដោយការរញ្ជួយដី ៕
ប្រែសម្រួល ឈូក បូរ៉ា
