ប៉ារីស៖ កងទ័ពជើងទឹកបារាំង កំពុងវាយតម្លៃអ្វីដែលខ្លួនអាចរៀនពីសហរដ្ឋអាមេរិកលើភាពជឿនលឿននៃ “ប្រតិបត្តិការផ្តោតលើទិន្នន័យ” និងបច្ចេកវិទ្យា cloud បន្ទាប់ពីការធ្វើដំណើរមួយសប្តាហ៍នៅសហរដ្ឋអាមេរិក។
អនុបណ្ឌិត Pierre Vandier បានឲ្យដឹងកាលពីថ្ងៃទី២៤ ខែមិថុនានៅឯ Washington Navy Yard អំពីតម្រូវការដើម្បីធ្វើអន្តរកម្ម និងអាចផ្លាស់ប្តូរបានជាមួយសហរដ្ឋអាមេរិក លើកងទ័ពជើងទឹក ខណៈដែលពួកគេសហការគ្នានៅក្នុងមហាសមុទ្រចំនួន៤ និងដែនទាំងអស់។
លោកបានលើកឡើងថា លោកបានចំណាយពេលមួយសប្តាហ៍នៅរដ្ឋកាលីហ្វ័រញ៉ា ជាមួយនឹងគម្រោងធ្វើដំណើរដែលរចនាដោយសហរដ្ឋអាមេរិក នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Defencenews។
ប្រធានប្រតិបត្តិការកងទ័ពជើងទឹកលោក Mike Gilday នឹងបង្ហាញពីបច្ចេកវិទ្យា និងគំនិតនៃប្រតិបត្តិការនាពេលអនាគត ដែលកងទ័ពជើងទឹកបារាំងអាចបញ្ចូលទៅក្នុងផែនការទំនើបកម្មរបស់ខ្លួន។
លោក Vandier បានលើកឡើងថា លោកបានទៅទស្សនានាវាពិឃាត Zumwalt ដែលជាកងនាវាគ្មានមនុស្សបើក ឧស្សាហកម្មនៅ Silicon Valley និងជាច្រើនទៀត។ លោកបានបន្ដថា ជាមួយនឹងថវិកាការពារជាតិអឺរ៉ុប កើនឡើងវិញ លោកមានការសម្រេចចិត្តសំខាន់ៗ ដើម្បីធ្វើអំពីកងទ័ពជើងទឹកនាពេលអនាគត។
លោកបន្ថែមថា “ការរីកចម្រើនសំខាន់ដែលខ្ញុំគិតថាសហរដ្ឋអាមេរិក មាននៅក្នុង IT នេះគឺជាអ្វីដែលខ្ញុំគិតថាអឺរ៉ុបយឺតយ៉ាវ ហើយយើងត្រូវធ្វើការជ្រើសរើសដ៏ល្អនាពេលអនាគត ដើម្បីអាចធ្វើអន្តរប្រតិបត្តិការក្នុងការគ្រប់គ្រងទិន្នន័យដ៏ច្រើន”។
លោកបានបន្ថែមទៀតថា ប្រទេសបារាំង នឹងចាប់ផ្តើមប្រើប្រាស់នាវាគ្មានមនុស្សបើកនៅចុងឆ្នាំនេះ សម្រាប់បេសកកម្មរុករកមីន ប៉ុន្តែមិនទាន់បានចាប់ផ្តើមធ្វើការជាមួយប្រភេទ USV ធំៗដែលកងទ័ពជើងទឹកកំពុងពិសោធនោះទេ។ ទាំងនេះអាចដំណើរការបានច្រើនសប្តាហ៍ ឬច្រើនខែ ដោយមិនមានការអន្តរាគមន៍ពីមនុស្សឡើយ៕ ប្រែសម្រួល ឈូក បូរ៉ា
