បរទេស៖ បេសកជនរុស្ស៊ីប្រចាំប្រទេសប៊ុលហ្គារី បាននិយាយកាលពីថ្ងៃសុក្រថា ប្រទេសប៊ុលហ្គារី “ជាអកុសលបានលុបចោល” ឱសានវាទរបស់រុស្ស៊ីទាក់ទងនឹង ការបណ្តេញបុគ្គលិកស្ថានទូតរុស្ស៊ី 70 នាក់ចេញពីទីក្រុង Sofia ។
លោកស្រី Elvira Mitrofanova បាននិយាយថា លោកស្រីនឹងផ្តល់អនុសាសន៍ ឱ្យរដ្ឋាភិបាលរុស្ស៊ីផ្តល់ការគំរាមកំហែង ដល់ទំនាក់ទំនងរបស់ខ្លួន ជាមួយប្រទេសម្ចាស់ផ្ទះ។
យោងតាមសារព័ត៌មាន RT ចេញផ្សាយនៅថ្ងៃទី១ ខែកក្កដា ឆ្នាំ២០២២ បានឱ្យដឹងថា ស្ថានទូតរុស្ស៊ីបានព្រមានទៅរដ្ឋាភិបាលទីក្រុង Sofia កាលពីថ្ងៃព្រហស្បតិ៍ថា ទំនាក់ទំនងការទូតរវាងប្រជាជាតិ ទាំងពីរអាចត្រូវបានកាត់ផ្តាច់ទាំងស្រុង ហើយថា “ការទទួលខុសត្រូវចំពោះផលវិបាក ដ៏ធ្ងន់ធ្ងរបំផុតសម្រាប់ទំនាក់ទំនងទ្វេភាគី នឹងស្ថិតនៅលើក្បាលរបស់ប៊ុលហ្គារីទាំងស្រុង”។
នាយករដ្ឋមន្រ្តីស្តីទីប៊ុលហ្គារី លោក Kirill Petkov ដែលរដ្ឋាភិបាលរបស់គាត់ត្រូវបាន រំសាយកាលពីសប្តាហ៍មុនបន្ទាប់ពី បាត់បង់ការបោះឆ្នោតទំនុកចិត្ត នៅក្នុងសភាបានប្រកាសពីការបណ្តេញចេញ យ៉ាងច្រើនមួយថ្ងៃបន្ទាប់ពីគាត់ ត្រូវបានតែងតាំងដោយប្រធានាធិបតី ក្នុងការបង្កើតក្រុមចម្រុះថ្មី។ នាយករដ្ឋមន្ត្រីបានអះអាងថា ភាគច្រើននៃអ្នកការទូត 70 នាក់គឺជាភ្នាក់ងារស៊ើបការណ៍ សម្ងាត់ដែលធ្វើការក្រោមការបិទបាំងផ្នែកការទូត ដោយដកស្រង់របាយការណ៍ ពីភ្នាក់ងារសន្តិសុខប៊ុលហ្គារី ៕
ប្រែសម្រួលៈ ណៃ តុលា
