ព័ត៌មានអន្តរជាតិ

មន្រ្តីទូតអ៊ុយក្រែន ប្រាប់ក្រុមបញ្ញវន្តអាល្លឺម៉ង់ ឱ្យទៅឋាននរកទៅ

បរទេស៖ ឯកអគ្គរដ្ឋទូតរបស់ទីក្រុងគៀវ ប្រចាំទីក្រុងប៊ែរឡាំង បានប្រមាថដល់ក្រុមបញ្ញវន្តអាឡឺម៉ង់មួយក្រុម ដែលបានសរសេរលិខិតចំហរមួយ ដើម្បីឱ្យមានការបញ្ចប់ការ ប្រគល់អាវុធទៅឱ្យអ៊ុយក្រែន។ អ្នកទាំងនោះបាននាំគ្នាចុះហត្ថលេខា អំពាវនាវឱ្យលោកខាងលិច ធ្វើឱ្យរបបរបស់លោក Volodymyr Zelensky មកចរចាសន្តិភាព។

យោងតាមសារព័ត៌មាន RT ចេញផ្សាយនៅថ្ងៃទី៣០ ខែមិថុនា ឆ្នាំ២០២២ បានឱ្យដឹងថាដោយបញ្ចេញមតិ លើការអំពាវនាវរបស់ពួកគេ លោក Andrey Melnik អគ្គរដ្ឋទូតរបស់អ៊ុយក្រែន បានបង្ហោះសារថា “Not again” កាលពីថ្ងៃព្រហស្បតិ៍ ដោយបន្ថែមជាភាសាអង់គ្លេសថា “What a bunch of pseudo-intellectual loosers (sic)” ឬ “តើអ្វីទៅជាក្រុមដែលតាំងខ្លួនជាអ្នកជំនាញ (sic)” ។

ដោយសំដៅទៅលើហត្ថលេខីមួយចំនួន តាមនាមត្រកូលរបស់ពួកគេ លោក Melnik បានស្នើថាពួកគេ «គួរតែទៅឋាននរកជាមួយនឹង ដំបូន្មានចាញ់របស់ពួកគេ»។

ផ្ទាំងពាណិជ្ជកម្ម

លិខិតចំហរដែលធ្វើឲ្យអ្នកការទូត អ៊ុយក្រែនខឹងសម្បារនោះ ត្រូវបានចុះផ្សាយក្នុងកាសែត Die Zeit របស់ប្រទេសអាល្លឺម៉ង់ កាលពីថ្ងៃពុធ ដែលមានចំណងជើងថា “ឈប់បាញ់ឥឡូវនេះ!” នៅក្នុងនោះ ក្រុមអ្នកសិក្សា អាឡឺម៉ង់ ទស្សនវិទូ អ្នកកាសែត សិល្បករ និងអតីតអ្នកការទូតចំនួន 21នាក់បានជំរុញឱ្យ “លោកខាងលិចបញ្ចប់សង្រ្គាម អ៊ុយក្រែនតាមរយៈការចរចា” ៕

ប្រែសម្រួលៈ ណៃ តុលា

To Top