ប៉េកាំង៖ ទីប្រឹក្សារដ្ឋ និងជារដ្ឋមន្ត្រីការបរទេសចិន លោក Wang Yi កាលពីថ្ងៃពុធ បានបញ្ជាក់យ៉ាងច្បាស់នៅទីនេះ នូវជំហរដ៏ឧឡារិករបស់ប្រទេសចិន ចំពោះដំណើរទស្សនកិច្ចរបស់ប្រធានសភាតំណាងរាស្រ្តអាមេរិក លោកស្រី Nancy Pelosi ទៅកាន់តំបន់តៃវ៉ាន់ របស់ប្រទេសចិន។
លោក Wang Yi ដែលកំពុងចូលរួមកិច្ចប្រជុំ ស្តីពីកិច្ចសហប្រតិបត្តិការអាស៊ីបូព៌ា និងក្នុងដំណើរបំពេញទស្សនកិច្ចនៅកម្ពុជា បានប្រាប់អ្នកសារព័ត៌មានថា ដំណើរទស្សនកិច្ចរបស់លោកស្រី Pelosi គឺជាដំណើរដ៏ពេញលេញមួយ។
លោកបានលើកឡើងថា ភាគីអាមេរិកដែលស្ថិតក្រោមការក្លែងបន្លំនៃអ្វីដែលហៅថា លទ្ធិប្រជាធិបតេយ្យ កំពុងតែប្រព្រឹត្តអំពើដ៏សាហាវឃោរឃៅនៃ ការរំលោភលើអធិបតេយ្យភាពរបស់ប្រទេសចិន។
លោកបន្ដថា កងកម្លាំងអបគមន៍ “ឯករាជ្យតៃវ៉ាន់” បែបនេះតំណាងដោយ Tsai Ing-wen ពាក់អាវធំរបស់សហរដ្ឋអាមេរិក បានក្បត់ភាពសុចរិតនៃ បុព្វហេតុជាតិដ៏អស្ចារ្យ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោកបន្ថែមថា ការអនុវត្តខុសឆ្គងទាំងនេះនឹងមិនផ្លាស់ប្តូរការយល់ស្របជាអន្តរជាតិ ដែលថាមានប្រទេសចិនតែមួយទេ ហើយក៏នឹងមិនផ្លាស់ប្តូរ និន្នាការប្រវត្តិសាស្ត្រ ដែលតៃវ៉ាន់នឹងត្រលប់ទៅមាតុភូមិវិញនោះទេ៕
ប្រែសម្រួល ឈូក បូរ៉ា
