ព័ត៌មានអន្តរជាតិ

អាមេរិក កំពុងជាន់ឈ្លីយ៉ាងខ្លាំង លើច្បាប់អន្តរជាតិ បទដ្ឋាន មូលដ្ឋានគ្រប់គ្រង ទំនាក់ទំនងអន្តរជាតិ

ប៉េកាំង៖ ដោយមិនយកចិត្តទុកដាក់ ចំពោះការប្រឆាំងនិងតំណាង ដ៏ឧឡារិករបស់ចិន ប្រធានសភាតំណាងរាស្ត្រអាមេរិក លោកស្រី Nancy Pelosi បានធ្វើទស្សនកិច្ច នៅតំបន់តៃវ៉ាន់របស់ចិន ក្នុងសប្តាហ៍នេះ ដោយបំពានយ៉ាងធ្ងន់ធ្ងរ លើគោលការណ៍ចិនតែមួយ និងបទប្បញ្ញត្តិ នៃសេចក្តីថ្លែងការណ៍រួមទាំង ៣រវាងចិន-អាមេរិក។

ទង្វើនេះក៏បានជះឥទ្ធិពលយ៉ាងខ្លាំង ដល់មូលដ្ឋាននយោបាយ ទំនាក់ទំនងចិន – អាមេរិក ដែលរំលោភយ៉ាងធ្ងន់ធ្ងរ លើអធិបតេយ្យភាព និងបូរណភាពទឹកដីរបស់ចិន បានធ្វើឱ្យខូចសន្តិភាព និងស្ថិរភាពយ៉ាងធ្ងន់ធ្ងរ នៅទូទាំងច្រកសមុទ្រតៃវ៉ាន់ ហើយបានបញ្ជូនសញ្ញាខុសយ៉ាងធ្ងន់ធ្ងរ ដល់កងកម្លាំងផ្តាច់ខ្លួនសម្រាប់ “ឯករាជ្យតៃវ៉ាន់” ។

ប្រទេសចិន បានសម្តែងការប្រឆាំងយ៉ាងម៉ឺងម៉ាត់ និងការថ្កោលទោសយ៉ាងខ្លាំង ដោយប្តេជ្ញាចាត់វិធានការចាំបាច់ទាំងអស់ ដើម្បីការពារអធិបតេយ្យភាពជាតិ និងបូរណភាពទឹកដី។ ផលវិបាកទាំងអស់ ដែលកើតចេញពីបញ្ហានេះ ត្រូវកើតឡើង ដោយភាគីអាមេរិក និងកងកម្លាំងបំបែកខ្លួន “ឯករាជ្យតៃវ៉ាន់”។

ការគោរពអធិបតេយ្យភាព ឯករាជ្យភាព និងបូរណភាពទឹកដីរបស់ប្រទេសនីមួយៗ គឺជាគោលការណ៍ជាមូលដ្ឋាន នៅក្នុងច្បាប់អន្តរជាតិ និងជាបទដ្ឋានជាមូលដ្ឋាន សម្រាប់គ្រប់គ្រងទំនាក់ទំនងអន្តរជាតិ។

បរិបទប្រវត្តិសាស្ត្រ នៃសំណួរតៃវ៉ាន់ គឺច្បាស់ណាស់ហើយការពិត និងស្ថានភាពដូចគ្នា ដែលភាគីទាំងពីរ នៃច្រកសមុទ្រតៃវ៉ាន់ ជារបស់ចិនតែមួយ និងដូចគ្នា ។ ការពិតប្រវត្តិសាស្រ្ត និងមូលដ្ឋានច្បាប់នេះ មិនដែលផ្លាស់ប្តូរ និងមិនអាចផ្លាស់ប្តូរបាននោះទេ។

នៅលើពិភពលោកមានចិនតែមួយ។ តៃវ៉ាន់ ជាផ្នែកមួយ ដែលមិនអាចកាត់ផ្តាច់ បាននៃទឹកដីរបស់ចិន។ រដ្ឋាភិបាលនៃសាធារណរដ្ឋ ប្រជាមានិតចិន គឺជារដ្ឋាភិបាលស្របច្បាប់តែមួយគត់ ដែលតំណាងឱ្យប្រទេសចិនទាំងមូល។

គោលការណ៍ចិនតែមួយ គឺជាបទដ្ឋានមូលដ្ឋាន ដែលត្រូវបានទទួលស្គាល់ជាទូទៅ ក្នុងការគ្រប់គ្រងទំនាក់ទំនងអន្តរជាតិ និងការឯកភាពជាសាកល របស់សហគមន៍អន្តរជាតិ ជាមួយនឹងមូលដ្ឋានដែលមិនអាចកាត់ថ្លៃបាន នៃច្បាប់អន្តរជាតិ៕ ប្រែសម្រួល ឈូក បូរ៉ា

To Top