BBC ៖ យោងតាមការវិភាគ ដែលចែករំលែកជាមួយ BBC News បានឱ្យដឹងថា ខណៈដែលថាមពលរបស់អឺរ៉ុប មានតម្លៃកើនឡើង យ៉ាងខ្លាំងនោះ ប្រទេសរុស្ស៊ីវិញ គឺកំពុងដុតបំផ្លាញឧស្ម័នធម្មជាតិ យ៉ាងច្រើន ។ អ្នកជំនាញនិយាយថា ឧស្ម័ននេះនឹងត្រូវបាន នាំចេញទៅប្រទេស អាល្លឺម៉ង់កាលពីមុន។
យោងតាមសារព័ត៌មាន BBC ចេញផ្សាយ នៅថ្ងៃទី២៦ ខែសីហា ឆ្នាំ២០២២ បានឱ្យដឹងថា ពួកគេនិយាយថា រោងចក្រនៅជិតព្រំដែន ជាមួយប្រទេសហ្វាំងឡង់ កំពុងដុតបំផ្លាញឧស្ម័ន ដែលមានតម្លៃប្រមាណ ១០ លានដុល្លារ (៨,៤ លានដុល្លារ) ជារៀងរាល់ថ្ងៃ។
អ្នកវិទ្យាសាស្ត្រ មានការព្រួយបារម្ភ អំពីបរិមាណដ៏ច្រើននៃកាបូនឌីអុកស៊ីត និងកំណក ដែលវាកំពុងបង្កើត ដែលអាចធ្វើឱ្យការរលាយ នៃទឹកកកអាកទិកកាន់តែធ្ងន់ធ្ងរ ។ ការវិភាគដោយ Rystad Energy បង្ហាញថា ឧស្ម័នប្រហែល ៤,៣៤ លានម៉ែត្រគូបត្រូវបានដុត ដោយអណ្តាតភ្លើងជារៀងរាល់ថ្ងៃ។
វាមកពីរោងចក្រឧស្ម័នធម្មជាតិរាវថ្មី (LNG) នៅ Portovaya ភាគពាយព្យនៃទីក្រុង St Petersburg ប្រទេសរុស្ស៊ី។ សញ្ញាដំបូងដែលថា មានអ្វីខុសឆ្គង គឺមកពីពលរដ្ឋហ្វាំងឡង់ នៅព្រំដែនក្បែរនោះ ដែលបានប្រទះឃើញអណ្តាតភ្លើង ដ៏ធំមួយនៅលើជើងមេឃកាលពីដើមរដូវក្តៅនេះ។
ខណៈដែលការដុតឧស្ម័ន គឺជារឿងធម្មតា នៅក្នុងរោងចក្រកែច្នៃ – ជាធម្មតាធ្វើឡើងសម្រាប់ហេតុផលបច្ចេកទេស ឬសុវត្ថិភាព – ទំហំនៃការដុតនេះ បានធ្វើឱ្យអ្នកជំនាញ មានការយល់ច្រឡំ។
វេជ្ជបណ្ឌិត Jessica McCarty អ្នកជំនាញលើទិន្នន័យផ្កាយរណប មកពីសាកលវិទ្យាល័យ Miami ក្នុងរដ្ឋ Ohio បាននិយាយថា “ខ្ញុំមិនដែលឃើញរោងចក្រ LNG ឆេះខ្លាំងនោះទេ” ៕
ប្រែសម្រួលៈ ណៃ តុលា
