ព័ត៌មានអន្តរជាតិ

នាវាផ្ទុកយន្តហោះអាមេរិក ធ្វើទស្សនកិច្ច ដ៏កម្រចាកចេញពីសមុទ្រចិនខាងត្បូង

បរទេស៖ នាវាដឹកយន្តហោះរបស់អាមេរិក USS Ronald Reagan បានមកដល់កំពង់ផែ Busan របស់កូរ៉េខាងត្បូងកាលពីថ្ងៃសុក្រ មុនពេលសមយុទ្ធយោធារួមគ្នា លើកដំបូងរវាងសហរដ្ឋអាមេរិក និងកូរ៉េខាងត្បូង ដែលពាក់ព័ន្ធនឹងនាវាផ្ទុកយន្តហោះចាប់តាំងពីឆ្នាំ ២០១៧ ។ មុនពេលមកដល់ នាវាដំណើរការ ដោយថាមពលនុយក្លេអ៊ែរនេះ បានចំណាយពេលរដូវក្តៅ នៅក្នុងសមុទ្រចិនខាងត្បូង ចំពេលមានភាពតានតឹងជាមួយចិនជុំវិញកោះតៃវ៉ាន់។

យោងតាមសារព័ត៌មាន RT ចេញផ្សាយនៅថ្ងៃទី២៣ ខែកញ្ញា ឆ្នាំ២០២២ បានឱ្យដឹងថា ការមកដល់ជាមួយនឹងនាវាពីរផ្សេងទៀតពីក្រុមនាវាវាយប្រហារ ផ្ទុកយន្តហោះ Ronald Reagan នឹងធ្វើជាម្ចាស់ផ្ទះ ទទួលភ្ញៀវឥស្សរជនអាមេរិក និងកូរ៉េខាងត្បូង ពេលចូលចតនៅទីក្រុងប៊ូសាន មុនពេលចាកចេញពីកំពង់ផែនៅប៉ុន្មានថ្ងៃខាងមុខ សម្រាប់សមយុទ្ធ។

ផ្ទាំងពាណិជ្ជកម្ម

ទោះបីជាកងទ័ពជើងទឹកអាមេរិក មិនបាននិយាយអំពីប្រទេសកូរ៉េខាងជើង នៅក្នុងសេចក្តីថ្លែងការណ៍ ដែលប្រកាសពីដំណើររបស់នាវាផ្ទុកយន្តហោះក៏ដោយ មេបញ្ជាការក្រុមវាយប្រហារគឺ ឧត្តមនាវីឯក Michael Donnelly បានប្រាប់អ្នកសារព័ត៌មានថា សមយុទ្ធនេះបង្ហាញថា កងទ័ពជើងទឹកអាមេរិក និងកូរ៉េខាងត្បូង “អាចធ្វើអន្តរកម្ម និងរួមបញ្ចូលដើម្បីប្រឈមមុខនឹងបញ្ហាណាមួយ ឬការគំរាមកំហែងណាមួយ”៕ ប្រែសម្រួលៈ ណៃ តុលា 

To Top