សេអ៊ូល៖ អគ្គសេនាធិការចម្រុះ របស់កូរ៉េខាងត្បូង (JCS) បានឲ្យដឹងថា កូរ៉េខាងជើង បានបាញ់មីស៊ីលផ្លោងរយៈចម្ងាយខ្លី ចំនួនពីរគ្រាប់ ចូលទៅក្នុងដែនទឹក ភាគខាងកើតរបស់ខ្លួន ដែលវាចាការបង្កើនភាពតានតឹងថ្មីមួយទៀត នៅឧបទ្វីបកូរ៉េ។
JCS បានឲ្យដឹងនៅក្នុងសេចក្តីថ្លែងការណ៍មួយថា ខ្លួនបានរកឃើញមីស៊ីលផ្លោង រយៈចម្ងាយខ្លីចំនួនពីរគ្រាប់ ដែលកូរ៉េខាងជើង បាញ់ចេញពីតំបន់ Sunchon ក្នុងខេត្ត South Pyongan ចន្លោះម៉ោង ៨ និង ៤៨នាទីយប់ ចូលទៅក្នុងទឹកភាគខាងកើត របស់ប្រទេសរបស់ខ្លួន។
កូរ៉េខាងជើង បានបាញ់មីស៊ីលផ្លោង រយៈចម្ងាយខ្លីចំនួនពីរគ្រាប់ ចូលទៅក្នុងដែនទឹកភាគខាងកើតរបស់ខ្លួន កាលពីថ្ងៃពុធ និងមីស៊ីលផ្លោងរយៈចម្ងាយខ្លីមួយគ្រាប់ ចូលទៅក្នុងដែនទឹកភាគខាងកើត កាលពីថ្ងៃអាទិត្យ។
គួរបញ្ជាក់ថា ក្នុងឆ្នាំ២០២២ កូរ៉េខាងជើង បានបាញ់សាកល្បងមីស៊ីលផ្លោង ចំនួន ១៩ដង និងកាំជ្រួចនាវា ២ដងរៀងៗខ្លួន៕ ប្រែសម្រួល ឈូក បូរ៉ា
