ព័ត៌មានអន្តរជាតិ

លោក ដូណាល់ ត្រាំ ប្ដឹងកាសែត CNN ទាមទារសំណង ៤៧៥លានដុល្លារ

វ៉ាស៊ីនតោន៖ អតីតប្រធានាធិបតីអាមេរិកលោក ដូណាល់ ត្រាំ កំពុងប្តឹងកាសែត CNN ពីបទបរិហារកេរ្តិ៍ និងទាមទារសំណងចំនួន ៤៧៥លានដុល្លារ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។

លោក ត្រាំ ដែល​ជា​សមាជិកគណបក្ស​ សាធារណរដ្ឋ​បាន​អះអាង​ថា បណ្តាញ​នេះ​បាន​ធ្វើ​ “យុទ្ធនាការ​នៃ​ការ​ប្រមាថ និង​ការ​បង្កាច់​បង្ខូច” ប្រឆាំង​នឹង​លោក។ បណ្តឹងរបស់ពាណិជ្ជករ កំពូលរូបនេះអះអាងថា កាសែត CNN បានប្រើប្រាស់ឥទ្ធិពល ដ៏សន្ធឹកសន្ធាប់របស់ខ្លួន ក្នុងនាមជាអង្គភាពព័ត៌មានឈានមុខគេ ដើម្បីកម្ចាត់លោកផ្នែកនយោបាយ។

លោក ដូណាល់ ត្រាំ បាន​ដាក់​សំណុំរឿង​នេះ ​នៅ​តុលាការ​ស្រុក​អាមេរិក​ក្នុង​ទីក្រុង Fort Lauderdale រដ្ឋ Florida កាលពី​ថ្ងៃ​ចន្ទ ប៉ុន្ដែខាងកាសែត CNN បានបដិសេធមិនធ្វើអត្ថាធិប្បាយ លើករណីនេះទេ។

ពាក្យបណ្តឹងដែលមាន ២៩ទំព័ររបស់លោក ត្រាំ បានលើកឡើងថា កាសែត CNN មានកំណត់ត្រាវែងឆ្ងាយនៃការរិះគន់លោក ហើយបានបង្កើនការរិះគន់ ក្នុងរយៈពេលប៉ុន្មានខែថ្មីៗនេះ ជុំវិញការភ័យខ្លាចថា លោកនឹងឈរឈ្មោះប្រចែង យកតំណែងជាប្រធានាធិបតីជាថ្មី នៅឆ្នាំ២០២៤ ។

ផ្ទាំងពាណិជ្ជកម្ម

ខ្លឹមសារពាក្យបណ្ដឹងទាមទារបានឲ្យដឹង “ជាផ្នែកមួយនៃកិច្ចខិតខំប្រឹងប្រែង រួមគ្នារបស់ខ្លួនដើម្បីបង្វែរតុល្យភាព នយោបាយទៅខាងឆ្វេង ទូរទស្សន៍ CNN បានព្យាយាមធ្វើឱ្យដើមបណ្តឹង ធ្វើឱ្យខូចឈ្មោះជាមួយនឹងស្លាកសញ្ញាអាស្រូវ ក្លែងក្លាយ និងបង្ខូចកេរ្តិ៍ឈ្មោះជាបន្តបន្ទាប់នៃ “អ្នករើសអើងជាតិសាសន៍” “អ្នកបម្រើរុស្ស៊ី” “អ្នកបះបោរ” ហើយទីបំផុតប្រដូចរូបលោកទៅនឹងហ៊ីត្លែរ។

ពាក្យបណ្តឹងនេះបានរាយ បញ្ជីករណីជាច្រើនដែល CNN ហាក់ដូចជាប្រៀបធៀបលោក ត្រាំ អាយុ ៧៦ឆ្នាំទៅនឹង Adolf Hitler រួមទាំងរបាយការណ៍ពិសេសខែមករា ឆ្នាំ២០២២ ដោយម្ចាស់ផ្ទះ Fareed Zakaria ដែលរួមបញ្ចូលវីដេអូ របស់មេដឹកនាំផ្តាច់ការអាល្លឺម៉ង់ ៕

ប្រែសម្រួល ឈូក បូរ៉ា

To Top