វ៉ាស៊ីនតោន ៖ អតីតប្រធានាធិបតី អាមេរិកលោក ដូណាល់ ត្រាំ បានបន្ទោសសហរដ្ឋអាមេរិកថា ជាអ្នកបង្ខំប្រធានាធិបតីរុស្ស៊ី លោក វ្លាឌីមៀ ពូទីន ឱ្យឈ្លានពានអ៊ុយក្រែន ។
ការកត់សម្គាល់របស់លោក ត្រាំ បានកើតឡើងនៅពេល ដែលរុស្ស៊ី បានបន្តជាប់គាំងនៅក្នុង “ប្រតិបត្តិការយោធាពិសេស” ដែលកំពុងតស៊ូរបស់ពួកគេ ដែលបញ្ជា ដោយប្រធានាធិបតីរុស្ស៊ីលោក វ្លាឌីមៀ ពូទីន ជាង ៧ខែមុន ពោលគឺនៅថ្ងៃទី២៤ ខែកុម្ភៈ ឆ្នាំ២០២២ ។
អតីតប្រធានាធិបតីរូបនេះ បានរិះគន់អំពីរបៀបដែលប្រធានាធិបតីលោក ចូ បៃដិន ដែលលោកអាច ប្រឆាំងនៅក្នុងការបោះឆ្នោតប្រធានាធិបតីឆ្នាំ២០២៤ បានគ្រប់គ្រងទំនាក់ ទំនងការទូតជាមួយរុស្ស៊ី ប៉ុន្តែអ្នករិះគន់បានចោទលោក ត្រាំ ពីការទទួលបានតំណែង ដែលគេមើលឃើញថាអំណោយផលសម្រាប់លោក ពូទីន ។
ក្នុងអំឡុងពេលបទសម្ភាសន៍មួយ នៅលើ Real America’s Voice ដែលជាបណ្តាញស្តាំនិយមចូលចិត្តលោក ត្រាំ អតីតប្រធានាធិបតីរូបនេះ បានរិះគន់រដ្ឋបាលលោក បៃដិន ។ លោកបានអះអាងថា “វោហាសាស្ត្រ” របស់ពួកគេនៅក្នុងប៉ុន្មានខែដែលឈានទៅដល់ការឈ្លានពានអ៊ុយក្រែន បានរួមចំណែកដល់ការ សម្រេចចិត្តរបស់លោក ពូទីន។
លោកបានលើកឡើង “គេពិតជាតិះដៀលលោកមែន បើអ្នកពិតជាមើលវាមែន ប្រទេសយើង និងអ្វីដែលហៅថាការដឹកនាំរបស់យើង បានតិះដៀលលោក ពូទីន។ ខ្ញុំនិយាយថា អ្នកដឹងទេ ពួកគេបង្ខំលោក ឱ្យចូលតាមអ្វីដែលពួកគេកំពុងនិយាយ “ល្ងង់ណាស់”។
លោកបានអះអាងដោយគ្មាន ភ័ស្តុតាងថា ការលុកលុយរបស់អ៊ុយក្រែន នឹងមិនកើតឡើងឡើយ ប្រសិនបើលោក នៅតែជាប្រធានាធិបតី។ លោកក៏មិនបានផ្តល់ឧទាហរណ៍ ជាក់លាក់ណាមួយអំពីរបៀប ដែលសហរដ្ឋអាមេរិក “តិះដៀល” លោក ពូទីន ក្នុងការឈ្លានពាន អ៊ុយក្រែនឡើយ៕
ប្រែសម្រួល ឈូក បូរ៉ា