គៀវ៖ កងទ័ពអ៊ុយក្រែន កាន់តែខិតជិតដល់ការបញ្ចប់ជាមួយនឹង “ភាពប៉ិនប្រសប់” របស់ពួកគេក្នុងការប្រើប្រាស់ប្រព័ន្ធមីស៊ីលលើដីទៅអាកាសកម្រិតខ្ពស់ថ្នាក់ជាតិ (NASAMS) ហើយកំពុងរង់ចាំការចែកចាយសម្ភារៈយោធា ចំពេលមានសង្គ្រាមដែលកំពុងបន្តប្រឆាំងនឹងរុស្ស៊ី។
រដ្ឋមន្ត្រីក្រសួងការពារជាតិអ៊ុយក្រែន លោក Oleksii Reznikov បានឲ្យដឹងនៅក្នុងបណ្ដាញ Facebook ថា ទាហានរបស់យើងកំពុងបញ្ចប់ភាពជាម្ចាស់នៃបរិក្ខារ។ លើសពីនេះ ទាហានរបស់យើងរាប់ពាន់នាក់បានឆ្លងកាត់ការហ្វឹកហ្វឺន ហើយមនុស្សរាប់ម៉ឺននាក់កំពុងរៀបចំ សម្រាប់ការហ្វឹកហ្វឺននៅក្នុងប្រទេសដៃគូ។
ការប្រកាសនេះធ្វើឡើង ខណៈអ៊ុយក្រែនបានបន្តទទួលជំនួយផ្នែកយោធាពីសហរដ្ឋអាមេរិក និងប្រទេសណាតូផ្សេងទៀត ខណៈពួកគេបន្តការវាយលុកប្រឆាំងនឹងទាហានរុស្ស៊ី។
យោងតាមក្រុមហ៊ុន Raytheon Missiles & Defense ដែលអភិវឌ្ឍប្រព័ន្ធបាញ់មីស៊ីល NASAMS ក្នុងភាពជាដៃគូជាមួយ Kongsberg ឧបករណ៍ការពារយោធា “គឺជាដំណោះស្រាយការពារដែនអាកាសរយៈចម្ងាយមធ្យម ដែលអាចសម្របខ្លួនបានខ្ពស់”។
ក្រុមហ៊ុន Raytheon បានឲ្យដឹងថា “NASAMS ផ្តល់ឱ្យអ្នកការពារដែនអាកាសនូវប្រព័ន្ធការពារដ៏ទំនើបទាន់សម័យ ដែលអាចកែសម្រួលបាន ដែលអាចបង្កើនសមត្ថភាពរបស់ពួកគេក្នុងការកំណត់អត្តសញ្ញាណ ចូលរួម និងបំផ្លាញយន្តហោះសត្រូវបច្ចុប្បន្ន និងការវិវត្តន៍ យន្តហោះដ្រូន និងការគំរាមកំហែងដោយមីស៊ីលនាំផ្លូវ” ។
ប្រភពបានឲ្យដឹងថា NASAMS ត្រូវបានគ្រប់គ្រងដោយប្រទេសចំនួន ១២ ហើយត្រូវបានដាក់បញ្ចូលទៅក្នុងប្រព័ន្ធការពារដែនអាកាសរបស់តំបន់រាជធានីជាតិរបស់សហរដ្ឋអាមេរិកចាប់តាំងពីឆ្នាំ២០០៥។
បន្ថែមពីលើសហរដ្ឋអាមេរិក ន័រវេស ហ្វាំងឡង់ អេស្ប៉ាញ ហូឡង់ អូម៉ង់ លីទុយអានី ឥណ្ឌូនេស៊ី អូស្ត្រាលី កាតា ហុងគ្រី និង ប្រទេសដែលមិនបញ្ចេញឈ្មោះមួយបានជ្រើសរើសពឹងផ្អែកលើ NASAMS សម្រាប់ការការពារមាតុភូមិ និងការការពារទ្រព្យសម្បត្តិសំខាន់ៗរបស់ប្រទេសខ្លួន៕
ប្រែសម្រួល ឈូក បូរ៉ា
