គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២០ ខែតុលា ឆ្នាំ២០២២ថា កាលពីថ្ងៃពុធ លោក វ្ល៉ាឌីមៀ ពូទីន ប្រធានាធិបតី បានបញ្ជាឱ្យរុស្ស៊ីទាំងអស់ គាំទ្រកិច្ចខិតខំប្រឹងប្រែង សង្រ្គាមនៅអ៊ុយក្រែន ខណៈដែលរដ្ឋបាល ដែលតែងតាំង ដោយរុស្ស៊ី គឺក្រុង Kherson បានរៀបចំ ដើម្បីជម្លៀសរដ្ឋធានី ក្នុងតំបន់តែមួយគត់ ដែលក្រុងម៉ូស្គូ បានដណ្តើមយកក្នុង អំឡុងពេលការលុក លុយរបស់ខ្លួន ។
រូបភាពនៃមនុស្ស ប្រើប្រាស់ទូកដើម្បីភៀសខ្លួន ចេញពីទីក្រុងយុទ្ធសាស្ត្រភាគខាងត្បូង ត្រូវបានចាក់ផ្សាយ ដោយទូរទស្សន៍រដ្ឋរុស្ស៊ី ដែលបង្ហាញពីការ ចាកចេញនៅលើទន្លេ Dnipro ជាការប៉ុនប៉ងជម្លៀស ជនស៊ីវិលមុនពេលវាក្លាយ ជាតំបន់ប្រយុទ្ធ ។
ប្រធានគ្រប់គ្រង Kherson តែងតាំងដោយរុស្ស៊ី ដែលជាតំបន់មួយក្នុង ចំណោមតំបន់អ៊ុយក្រែនទាំង៤ ដែលទាមទារដោយឯកតោភាគី ដោយទីក្រុងម៉ូស្គូ ជាកន្លែងដែលលោក ពូទីន បានប្រកាសច្បាប់ អាជ្ញាសឹកកាលពីថ្ងៃពុធបានលើកឡើងថា មនុស្សប្រហែល៥០.០០០.០០០នាក់ នឹងត្រូវបានផ្លាស់ប្តូរ ក្នុងរយៈពេល៦ថ្ងៃខាងមុខ ។
លោក Vladimir Saldo មន្ត្រីប្រចាំក្រុងខាងលើ បានប្រាប់ដល់ទូរទស្សន៍រដ្ឋថា “ភាគីអ៊ុយក្រែនកំពុងបង្កើតកងកម្លាំង សម្រាប់ការវាយលុកទ្រង់ទ្រាយធំ” ។ “កន្លែងដែលយោធាធ្វើប្រតិបត្តិការ វាគ្មានកន្លែង សម្រាប់ជនស៊ីវិលនោះទេ” ។
គួរបញ្ជាក់ថា ក្រុង Kherson គឺជាតំបន់សំខាន់ជាយុទ្ធសាស្ត្របំផុត នៃតំបន់ឧបសម្ព័ន្ធ ។ វាគ្រប់គ្រងទាំងផ្លូវគោកតែមួយគត់ទៅកាន់ឧបទ្វីបគ្រីមមៀ ដែលរុស្ស៊ីបានរឹបអូសក្នុងឆ្នាំ២០១៤ និងមាត់ទន្លេ Dnipro ដែលជាទន្លេមានប្រវែង២.២០០គីឡូម៉ែត្រដែលកាត់ប្រទេសអ៊ុយក្រែន ៕
