បរទេស៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន និងរដ្ឋមន្ត្រីការពារជាតិ លោក Sergey Shoigu បានទៅធ្វើដំណើរទៅកន្លែងហ្វឹកហាត់នៅតំបន់ Ryazan ភាគខាងលិច កាលពីថ្ងៃព្រហស្បតិ៍ ដើម្បីមើលអំពីការរៀបចំកងទ័ពចល័តជាលើកដំបូង។
យោងតាមសារព័ត៌មាន RT ចេញផ្សាយនៅថ្ងៃទី២០ ខែតុលា ឆ្នាំ២០២២ បានឱ្យដឹងថា លោក ពូទីន និង លោក Shoigu ត្រូវបានគេបង្ហាញ ឧបករណ៍ស្តង់ដារ ដែលចេញឱ្យទាហាន រួមទាំងឯកសណ្ឋាន មួកសុវត្ថិភាព និងគ្រឿង សឹករាងកាយ ព្រមទាំងស្បែកជើងកវែងរដូវរងា និងរដូវស្លឹកឈើជ្រុះដែលចេញដោយកងទ័ព ។
លោក ពូទីន បាននិយាយនៅពេល ដែលមន្ត្រីយោធាមួយចំនួនបង្ហាញ គាត់នូវស្បែកជើងរបស់ទាហាន ដោយយោងជាក់ស្តែងទៅលើការ ខ្វះខាតឧបករណ៍ចម្រុះដែលកើតឡើង ចំពេលមានការចល័តផ្នែក ដែលកំពុងបន្តថា “រឿងសំខាន់គឺថាវាពិតជានៅទីនោះ”។
កាលពីសប្តាហ៍មុន ប្រធានាធិបតីរុស្ស៊ី បានបង្ហាញការសោកស្ដាយ ចំពោះ “ភាពល្ងង់ខ្លៅ” ដែលបង្ហាញដោយមន្ត្រីមួយចំនួន ក្នុងអំឡុងពេល នៃចលនាប្រមូលផ្តុំ ហើយបានសារភាពថា ប្រសិនបើទីក្រុង មូស្គូមិនបានប្រកាសកេណ្ឌទ័ព “យើងនឹងមិនដែលឃើញ បញ្ហាទាំងនោះដែលប្រមូលផ្តុំនៅទីនោះទេ ជាក់ស្តែង មួយរយៈនេះឡើយ។
លោក ពូទីន និងរដ្ឋមន្ត្រីការពារជាតិ របស់លោកក៏បានជួបអ្នកកេណ្ឌកងទ័ព និងបានទៅមើលកន្លែងបាញ់កាំភ្លើង នៅឯកន្លែងហ្វឹកហាត់ផងដែរ។ ពូទីនបានបាញ់ពីរបីគ្រាប់ ជាមួយកាំភ្លើងអ្នកលបវែង Dragunov (SVD) ទៀតផង ៕
