សេអ៊ូល៖ កប៉ាល់កងទ័ពជើងទឹកកូរ៉េខាងជើង និងកូរ៉េខាងត្បូង បានបាញ់គ្រាប់រ៉ុក្កែត និងកាំភ្លើងដាក់គ្នាទៅវិញទៅមក បន្ទាប់ពីទីក្រុងព្យុងយ៉ាង បានចោទប្រកាន់កប៉ាល់ របស់កូរ៉េខាងត្បូងថា បានវង្វេងចូលទៅក្នុងដែនទឹករបស់ខ្លួន។
ព្រំដែនរវាងប្រទេសទាំងពីរ ត្រូវបានគេចាត់ទុក ជាយូរមកហើយថា ជាចំណុចគ្រោះថ្នាក់បំផុតមួយ ក្នុងពិភពលោក នេះបើយោងតាមការចុះផ្សាយ របស់ទីភ្នាក់ងារសារព័ត៌មាន TheNational។
កងទ័ពរាប់រយពាន់នាក់ និងអាវុធធំរាប់ម៉ឺនដើម ត្រូវបានជាប់គាំង នៅក្នុងការប្រឈមមុខដាក់គ្នា ជាច្រើនទសវត្សរ៍ ដែលបំបែកដោយដែនទឹកអព្យាក្រឹត ត្រឹមតែ ៤គីឡូម៉ែត្រ ដែលត្រូវបានគេស្គាល់ថា ជាតំបន់គ្មានយោធា។
យោធាកូរ៉េខាងត្បូង បានឲ្យដឹងថា ការបាញ់ព្រមានត្រូវបានបាញ់ទៅលើកប៉ាល់ ពាណិជ្ជករកូរ៉េខាងជើង ដែលឆ្លងកាត់ខ្សែបន្ទាត់ព្រំដែនភាគខាងជើង (NLL) ដែលជាព្រំដែនសមុទ្ររវាងរដ្ឋគូប្រជែង។
កូរ៉េខាងជើងបានឲ្យដឹងថា កាំភ្លើងធំគ្រាប់រ៉ុក្កែត ត្រូវបានប្រើ ដើម្បីរារាំងនាវាកូរ៉េខាងត្បូង ដោយមិនបានបញ្ជាក់ថា តើវាជាកប៉ាល់ដូចគ្នា ដែលបានបាញ់ព្រមាននោះទេ៕ ប្រែសម្រួល ឈូក បូរ៉ា
