គៀវ៖ រុស្ស៊ីបានទទួលស្គាល់ ជាលើកដំបូងថា ខ្លួនមិនមានឧបករណ៍គ្រប់គ្រាន់ សម្រាប់ការចល័តទាហាន ក្នុងសង្គ្រាមប្រឆាំងអ៊ុយក្រែន ពិតមែន នេះបើយោងតាមការចុះផ្សាយ របស់ទីភ្នាក់ងារសារព័ត៌មាន Newsweek។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានឲ្យដឹងថា មានបញ្ហាជាមួយឧបករណ៍ សម្រាប់បុរសរាប់សែននាក់ ដែលត្រូវបានបញ្ជូនទៅប្រយុទ្ធក្នុងប្រទេសអ៊ុយក្រែន ក្រោមក្រឹត្យស្តីពីការចល័ត ដោយផ្នែករបស់ប្រធានាធិបតីលោក វ្ល៉ាឌីមៀ ពូទីន។
លោក Peskov បានលើកឡើងថា ក្រុមប្រឹក្សាដែលទើបបង្កើតថ្មី ដែលបង្កើតឡើងដោយពូទីនកំពុងធ្វើការលើការដោះស្រាយបញ្ហាជាមួយឧបករណ៍។ លោកបានបន្តថា “វិធានការដ៏ខ្លាំងក្លាដែលបានធ្វើដើម្បីកែតម្រូវស្ថានការណ៍កំពុងផ្តល់ លទ្ធផលជាវិជ្ជមានដំបូង រួចទៅហើយ”។
លោក Peskov បានបន្ដថា អាជ្ញាធរក្នុងតំបន់កំពុងធ្វើការលើការផ្តល់ “ឧបករណ៍ដែលបាត់” ដោយកត់សម្គាល់ថាឧបនាយករដ្ឋមន្ត្រី Denis Manturov “ទទួលខុសត្រូវផ្ទាល់ ចំពោះរឿងនេះ” ដែលជាផ្នែកនៃក្រុមប្រឹក្សាថ្មី របស់លោក ពូទីន។
លោក ពូទីន កាលពីថ្ងៃអង្គារ បានបើកកិច្ចប្រជុំផ្លូវការលើកដំបូងនៃ “ក្រុមប្រឹក្សាសម្របសម្រួល” របស់លោក សម្រាប់ការផ្គត់ផ្គង់យោធា និងភស្តុភារ។ វាត្រូវបានបង្កើតឡើងនៅថ្ងៃទី២១ ខែតុលា ហើយព្យាយាមធានាថា យោធារបស់លោក មានការផ្គត់ផ្គង់គ្រប់គ្រាន់ នៅក្នុងសង្គ្រាម៕
ប្រែសម្រួល ឈូក បូរ៉ា
